Gin pahayag ni Congressman Greg Gasataya nga may tatlo ka mga tawo ang nag tanyag sang ila propedad nga posible lugar nga pagatukuron ang Bacolod City General Hospital.
Una nga gin aprubahan sang Kongreso sa third kag final reading ang House Bill 6731 ukon ang hagna nga naga tukod sang tertiary hospital sa syudad samtang si Senador Miguel Zubiri ang nag pabutyag nga iya iga adapt ang hagna sa senado.
Suno kay Gasataya, wala pa ini gin talakay ang detalye sang pagatukuron nga hospital bangud gina hulat man sang kongresista ang rekomendasyon sang DOH pero nag pabutyag na ang tatlo ka mga persona nga interisado sila nga mag donar ukon mag baligya sang propedad.
Pero para kay Gasataya mas luyag sini ang donasyon bangud wala sang pondo ang DOH nga gin pain para sa patindugan sang hospital.
Suno pa sa Kongresista, ideal ang 2 hectares nga propedad nga pwede ma-expand sa ulihe ang hospital, base sa inisyal nga impormasyon gikan sa DOH. | Aksyon Dale Salazar
