TAYTAY SA VALLADOLID, NARUSDAK MATAPOS NAG LABAY ANG 10-WHEELER TRUCK

Share on facebook
Share on google
Share on pinterest
Share on twitter
Share on print

Narusdak ang isa ka taytay sa Sitio Pangpang, Barangay Alijis, banwa sang Valladolid matapos nga nag labay ang isa ka 10-wheeler truck, Sabado sang aga.

Sa interview sang Aksyon BBB, gin pahayag ni Police Captain Joseph Cantonina, hepe sang Valladolid PNP, ang Isuzu wing van ang kargado sang soya beans nga iga dul-ong kuntane sa isa ka poultry farm sa amo nga barangay.

Suno kay Cantonina, wala gin kaya sang taytay ang kabug-uton sang truck nga nag atras para mag U-Turn.

Gina lantaw sang kapulisan nga overloaded ang karga sang truck.

Dugang pa ni Cantonina, ini ang una nga tion nga nag labay sa amo nga taytay ang driver nga si Ramon Oplas, 38 anyos, residente sang Lapuz, Iloilo.

Wala naman sang may nasamaran sa aksidente.

Suno kay Cantonina, may yara sang alternatibo nga alagyan ang mga residente sa lugar, pero medjo malayo.

Nag padulong na sa lugar ang personnel sang Engineer’s Office sang banwa kag gin i-assess ang sitwasyon.

LALAKI, PATAY SANG GINBUNO SA ISABELA

Patay ang isa ka trabahante sang ini ang ginbuno sa Sitio Galo, Barangay 5, Banwa sang Isabela tinalikdan nga Domingo sang hapon.

Ang biktima ginkilala kay Jose Anillo, 45 anyos, nagapuyo sa Sitio San Jose, Barangay Bulad, samtang ang suspetsado ginkilala naman kay Bienvinido Pordan, 46 anyos kag nagapuyo naman sa lugar sang insidente.

Sa imbestigasyon sang Isabela PNP, nagahugas gid lamang sang motorsiklo si Anillo sang ginbuno ni Porda sa wala pa mahibal-an nga motibo.

Nadakpan ang suspetsado sa manhunt operation sang otoridad. | Aksyon Bryan Morden

ISA PATAY SA PAGBUNGGO SANG MOTORSIKLO SA TRUCK

Ginbawian sang kabuhi ang driver sang motorsiklo samtang pilason angkas sini sa aksidente nga nagluntad sa Sitio Bunacan, Barangay Salamanca, Banwa sang Toboso Domingo sang hapon.

Ang napatay ginkilala kay Rey Cansancio, 34 anyos nagapuyo sa Siito Bankerohan, ang pilason ginkilala kay Jimmy Mahilum, 61 anyos nagapuyo sa Sitio Tiguib, samtang ang suspetsado ginkilala naman kay Vincente Elmer Tiin, 53 anyos nagapuyo sa Crossing Salamanca sa amo nga Barangay.

Suno kay PCapt Paul Kenneth Magan, naglapaw sa kurbada nga bahin sang dalan ang ginamaniho nga motorsiklo sang napatay kag nasugata ang nagapadulong nga truck.

Dugang ni Magan, gin tinguhaan pa sang driver sang truck likawan ang motorsiklo, apang nalab-ot ini kag agkalatumba, rasun sa kamatayon ni Cansancio kag ginabulong sa hospital si Mahilum.

Yara naman sa kostudiya sang kapulisan si Tiin. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.