MENU

TIMPRANO NGA PAGDESISYON SA PLANO NGA IPAISOL ANG BARANGAY ELECTIONS MAS MAAYO – COMELEC PROVINCIAL SUPERVISOR

  • at 9:49 pm
Share on facebook
Share on pinterest
Share on twitter
Share on print

Mas maayo kun madesisyonan sang temprano ang plano nga pagpaisol sa Barangay kag Sanguniang Kabataan (SK) elections.

Ini ang ginpahayag ni Negros Occidental Comelec Provincial Supervisor Atty. Ian Lee Ananoria.

Suno kay Ananoria, bentaha kun madesisyonan ang amo nga plano, agud mangin tayuyon man ang ila ginapatigayon nga preparasyon.

Dugang pa ni Ananoria, nakaumpisa na sa pag-paimprinta ang comelec sang mga balota kag ginpreparar naman ang mga project of precints.

Nagapati siya nga madamo na sa karon sang nagapreparar sa pagkandidato bangud nagahilapit na ang filing sang certificate of candidacy sa maabot nga Oktubre 6.

Nagligad nga Agusto 25, gintalakay sang House suffrage and electoral reforms panel ang substitute bill nga nagaduso sa pagpaisol sang Desyembre 2022 barangay kag SK elections sa una nga lunes sang Desyembre 2023.

Onse ka mga kongresista ang nagboto pabor sa amo nga proposal magluwas kay Kabataan Representative Raoul Manuel nga nagsumiter sang dissenting opinion. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

DSB PNP MAY PANUGYAN SA MGA DRIVER MATAPOS ANG TRAHEDYA SA ANTIQUE

December 6, 2023

Nagpahanumdum sa publiko ang Don Salvador Benedicto PNP nga dapat yara sa maayo nga kondisyon ang ila nga mga salakyan kun magbyahe sa mga talakladon nga lugar.

Suno kay Police Major Rey Tolosa, hepe sang DSB PNP, kalabanan sa mga salakyan nga nagalabay sa banwa mga dalagko nga salakyan kag long distance ang byahe.

Aminado si Tolosa nga may nagaluntad nga aksidente nakaligad nga binulan ilabi na sa mga likuan kag talakladon nga dalan bangud indi sunado sang iban nga drivers ang dalanon.

Panugyan ni Tolosa, dapat kondisyon man ang driver agud makatutok sa pagmaneho kag maghinay gid sa pagpadalagan ilabi na kun bag-o lang nakalabay sa lugar.

Ang DSB PNP kag Land Transportation Office (LTO) ang masami nga nagapatigayon sang information dessimination campaign kag operations agud mabuligan ang mga motorista nga malikaw sa aksidente.

Nahibaloan, 17 ang patay, pito ang kritikal kag apat ka mga persona na ang yara sa istable nga kondisyon bangud sang natabo nga aksidente sa Hamtic, Antique.

What’s your Reaction?
+1
0
+1
0
+1
0
+1
0
+1
0
+1
0
+1
0

KAP ALCANTARA LUYAG MAKASAPOL ANG ALKALDE MATAPOS GIN ISYU NA ANG NOTICE TO VACATE

December 6, 2023

Ginpahayag ni Barangay 12 punong Barangay JR Alcantara nga liwat pa sila maga-istorya kay Bacolod City Mayor Albee Benitez sa pihak nga ginhatagan nalang ang mga residente sg tubtob Enero 8, 2024 nga maghalin sa lugar.

Suno kay Alcantara, nagalaum sila nga sa pihak nga ginpapanaugan na sang notice to vacate pahanugutan sang alkalde ang ila pangabay nga patapuson ang anum ka bulan antes sila maghalin.

Dugang pa, subong nga adlaw makadto si Alcantara sa Bacolod Housing Authority para hibaluon kon ngaa sa 50 ka mga apektado nga residente, 32 lang ang kwalipikado para sa relocation site kag mahingyo sa alkalde nga mabuligan ang mga residente nga financial assistance lang ang mabaton kag wala sang sayluhan.

Tinguhaan man sang barangay nga makahatag sila sang dugang nga bulig sa mga apektado nga residente.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.