Nadakpan sa Brgy. Nato banwa sang La Castellana ang isa ka lalaki nga ginakabig bilang Top 1 Most Wanted Person sang Pontevedra takna las 8:43 kaina sang aga, Miyerkules, Enero 25.
Ginkilala ang suspek sa kay Rex Salme alias “Bondying”, kasado kag residente sang Purok 3 Brgy. San Isidro, Pontevedra.
Kaso nga murder ang gina pangatubang ni Salme sa idalom sang Article 248 sang Revised Penal Code.
Gin dakop si Salme sang gin ingub nga pwersa nanday PMaj Romulo Gepilango V, hepe sang Pontevedra PNP, Pmaj Darell Nigos, hepe sang Lacastellana PNP, Pmaj Ness Vargas pamuno sang Provincial Intel Unit sang Nocppo, PLTCOL Alvimar Flores sabg 2ND NOPMFC, 64th Special Action Company,6th Special Action Battalion kag yara man sanday Pcpt Honor Rey Hibaya sang PNP SAF ,Pmaj John Gammad sang Regional Mobile Force Batallion 6 kag PLT Reynaldo Bauden Jr pamuno sang Bacolod City Maritimr Police.
Ang warrant of arrest ni Salme ang gin papanaog ni Hon. Mila Yap-Camiso, Presiding Judge, RTC, , Branch 74, La Carlota City sadtong Disyembre 19 2022 .
Wala naman sang pyansa ang kaso ni Salme nga karon priso sa custodial Facility sang Pontevedra PNP. | Aksyon VJ Apacible
