MENU

TOP 8 MOST WANTED PERSON SANG BACOLOD PNP, NADAKPAN

  • at 11:03 pm
Share on facebook
Share on pinterest
Share on twitter
Share on print

Arestado ang Top 8 Most Wanted Person sang Bacolod PNP kag yara sa target list sang PDEA- Regional level kag PDEA Negros Occidental matapos serbihan sang warrant of arrest sa kaso nga RA 9165 ukon Comprehensive Drugs Act of 2002. 

Ang naaresto ginkilala sa kay Joejan Villar, 34 anyos kag residente sa Sitio Sibucao, Barangay Banago, syudad sang Bacolod.

Ang Warrant of Arrest gin-isyu ni Judge Amcel Leyte Mercader sang Regional Trial Court Branch 48 sa syudad sang Bacolod sang Agusto 1, 2021 kag wala sang ginrekomendar nga pyansa.

Suno kay Lt. Col Joeffer Cabural, Chief sang City Intelligence Unit, si Villar ang nadakpan sadto sa buy-bust operation sang CDEU.

Palayag ni Cabural nga nagbato pa si Villar sa kapulisan sang ginserbi ang warrant sa diin, nag gabot sang kalibre 45 nga armas luthang kag gintiro si Police Staff Sgt. Eriberto Legaspi III sang makaduha ka beses apang debuenas nga wala maigo.

Tungod sa natabo, luwas sa ilegal nga droga, magapangatuban man si Villar sang RA 10591 ukon Comprehensive Firearms and Ammunition Regulation Act tungod sa pagbato kag pagpalupok sang armas.

Si Villar ang priso sa custodial facility sang Police station 3. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

51 BARANGAYS SA PROBINSYA GINDEKLARAR ‘ELECTION AREAS OF CONCERN’ SANG RJSCC

September 25, 2023

Wala pa nakasapol ang provincial council agod istoryahan ang damlag lamang deklarasyon sang Regional Joint Security Control Center (RJSCC) may angot sa mga lugar sa Negros Occidental nga kalakip sa Election Areas of Concern.

Suno kay Negros Occidental Police Provincial Office (NOCPPO) Spokesperson Police Captain Judesses Catalogo, sa 58 ka mga lugar sa probinsya nga ginrekomendar sang provincial security group, 51 ang gin-aprubahan sang regional council.

Dugang pa ni Catalogo, may posibilidad nga i-adapt sang provincial council ang listahan sang RJSCC.

Basi sa datus nga nakuha sang Aksyon Radyo Bacolod, ang 51 ka lugar nga gindeklarar nga Election Areas of Concern amo ang siyam ka barangay sa Calatrava; tig lima ka barangay sa Isabela, Cauayan, Escalante, Kabankalan, kag Sipalay; Tig apat ka barangay sa Candoni, Moises Padilla, kag Toboso; tatlo ka barangay sa Himamaylan; duha sa DSB kag tig isa sa La Castellana, Ilog kag San Enrique.

Wala pa nakapagwa ang COMELEC sa listahan sang mga lugar nga ginpaidalom sa election area of concern.

What’s your Reaction?
+1
0
+1
0
+1
0
+1
0
+1
0
+1
0
+1
0

VENUE SANG PROBINSYA PARA SA MASSKARA, APRUBADO NA NI GOV. LACSON

September 25, 2023

Aprobado na ni Governor Eugenio Bong Lacson ang sulat nga ginpadala ni Mayor Albee Benitez nga naga pangabay sa probinsya sa pag gamit sang pila ka mga lugar bilang venue sang pila ka mga aktibidad may kaangtanan sa selebrasyon sang Masskara Festival sa bulan sang Oktubre.

Base sa komunikasyon nga gin padala ni Benitez, indi lamang ang Paglaum Stadium ang gin request sang Alkalde kundi ini ang gina lakipan man sang North kag Capitol road nga natalana paga gamiton bilang tourism strip umpisa Oktubre 19 tubtob 22.

Base sa plano sang Yuhum Foundation nga amo ang organizer sang event, ang Paglaum Stadium amo ang mangin venue sang arena dance competition lakip na ang closing ceremony.

Magluwas sa venue sang event, gin aprobahan man sang Gobernador ang pangabay ni Benitez para sa dugang nga mga personnel nga maga bulig sa General Services Office, Security, kag DRRMO sa tion sang amo nga kahiwatan.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.