TRAFFIC ENFORCER NGA NAGBATON SANG SUHOL, GINKAKAS SA TRABAHO

Share on facebook
Share on pinterest
Share on twitter
Share on print

Ginkakas sa trabaho bilang Traffic Enforcer ang isa ka personnel sang Bacolod Traffic Management Office (BTAO) matapos nakuhaan sang litrato kag video ang pagbaton sang suhol halin sa isa ka violator sa bangga La Salle, syudad sang Bacolod.

Sa interview sa Aksyon Firingline, ginpahayag ni BTAO head Major Junji Liba nga wala na ginpabalik ang nasambit nga personnel bangod gin ako man sang natungdan nga nagbaton ini sang suhol.

Sa pagpangusisa ni Liba, duha ka enforcer ang nakit an sa video apang ang isa, wala sang ihibalo angot sa suhol nga ginbaton sang iya nga upod.

Ginklaro naman ni Liba nga ginatun an pa sini ang penalidad sa isa pa ka personnel matapos nga may salabton ini tungod wala nag isyu sang ticket sa nagpanuhol nga violator nga gin-report wala sang suksuk nga helmet.

Nagpabutyag man sang pagkadismaya si Liba matapos nadiskubre ang ginbaton nga suhol nga P50.00 nga suno sa BTAO head, ginbaylo gid sa trabaho.

Angot sini, liwat nagpahanumdom si Liba sa tanan nga Traffic Enforcer nga magaserbe ini nga leksyon agod indi na maghimo sa ano pa nga ilegal nga makaapekto sa trabaho ukon magresulta sang termination sa ubra. | Aksyon Ann Defensor-Lisay

What’s your Reaction?
+1
0
+1
0
+1
0
+1
0
+1
0
+1
0
+1
0

SALANGA GINDESIGNAR NGA ACTING MAYOR SANG TATLO KA ADLAW

Gin designar si Councilor Israel Salanga bilang acting mayor sang syudad sang Bacolod sang tatlo ka adlaw.

Base sa memorandum nga gin isyu ni Mayor Albee Benitez, acting Mayor si Salanga sa Disyembre 5 tubtob 7, 2023.

Si Vice Mayor El Cid Familiaran naman ang magaserbe nga acting Mayor sa Disyembre 8, 2023.

Suno kay Salanga, nagdululungan ang mga aktibidades sang mga opisyal kaangay sang Philippine Councilors League assembly kag nagkadto si Familiaran sa Manila para sa Local Legislative Awards 2023.

Ginpahayag sang konsehal,

Suno sa konsehal, wala man sang importante nga mga butang nga gin bilin ang alkalde.

Si Benitez ang nagbyahe sa Macau, China para sa pagsinapol sang Regional Development Council.

Ini na ang ikaduha nga tion nga gin designar ni Benitez si Salanga bilang acting mayor.

What’s your Reaction?
+1
0
+1
1
+1
0
+1
0
+1
0
+1
0
+1
0

GINAPATIHAN NPA PATAY SA ENKWENTRO SA BINALBAGAN

Patay ang isa ka myembro sang New People’s Army matapos ang 5 ka minuto nga engkwentro nga nagluntad sa tunga sang 62nd Infantry Battalion las 5:35 sg aga, Disyembre 6 sa Sitio Caranawan, Barangay Amontay banwa sang Binalbagan.

Suno kay 303rd Brigade Commander BGen Orlando Edralin, wala pa nakilala ang lalaki nga napatay sa engkwentro nga isa sa lima ka persona nga ginapatihan myembro sang Central Negros 1 Komiteng Rehiyon- Negros, Cebu, Bohol kag Siquijor.

Dugang pa ni Edralin, nagpadulong sa lugar ang mga militar bangud sa report nga ila nabaton gikan sa mga pumuluyo nga nagapangilkil ang nasambit nga grupo.

Narecover sang militar ang isa ka rifle kag isa ka caliber 45 nga armas luthang, mga personal nga kagamitan kag pila ka subersibo nga dokumento.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.