TRAFFIC ENFORCER NGA NAKUHAAN SANG LITRATO NGA WALA NAGA FACE MASK KAG FACE SHIELD, GIN SUSPEND

Share on facebook
Share on google
Share on pinterest
Share on twitter
Share on print

Gin papanaugan ni BTAO Head Lt. Col Luisito Acebuche sang 30 ka adlaw nga suspension ang isa ka traffic enforcer nga wala naga suksok sang face mask.

Ang Traffic Enforcer ang na assign sa Talisay-Bacolod nga border checkpoint nag ligad nga Setyembre 6 kag nadala sa kuha nga litrato sang Aksyon Radyo Bacolod nga wala naga suksok sang facemask.

Nasaad sa post sang BTAO sa ila facebook account nga matapos ang disciplinary hearing kag due process, nga guilty ang traffic enforcer sa wala pag tuman sang pag suksok sang face mask kag face shield sa tion sang field operation.

Nag paandam si Acebuche sang ‘severe penalty’ batuk sa mga enforcers nga mag komiter sang parehas nga bayolasyon.

What’s your Reaction?
+1
0
+1
0
+1
0
+1
0
+1
0
+1
0
+1
0

COVID-19 PATIENT, PATAY SANG NAGLUMPAT SA 5TH FLOOR SANG BUILDING SANG HOSPITAL

Patay ang isa ka Covid-19 positive patient matapos nga naglumpat sa isa sa mga building sang Corazon Locsin Montelibano Memorial Regional Hospital, sa Barangay 9, syudad sang Bacolod kaina sang aga, Lunes.

Suno kay Police Station 2 Commander Police Captain Paul Vincent Pendon, naglumpat ang 68 anyos nga lalaki nga residente sang syudad sang Bacolod gikan sa ika-lima nga panalgan sang ospital kag nagtupa sa atop sang water treatment building facility sang ospital.

Dugang pa ni Pendon, nakabati lamang sang mabaskog nga lagabong ang gwardiya sang ospital kag nakita na lamang nga nagahapa sa atop ang pasyente.

Nabali ang tiil kag nakaangkon sang pilas sa ulo ang pasyente nga gintunaan sang iya kamatayon.

Ang napatay isa ka COVID-19 positive patient nga naka-confine sa regional hospital.

Suno kay Pendon, duha ka mga pasyente ang naka confine sa sulod sang Room 511 sang ospital apang ang upod sang napatay ang nakagwa na pasado las 12 ang takna kaina sang udto.

Sa imbestigasyon sang kapulisan nahibaloan nga ginhatagan pa sang bulong sang attending nurse ang napatay pasado las 12:30 sang udto.

Nahibaloan man sang kapulisan nga nag-ayo’ ang napatay nga magwa sa isolation facility.

Suno kay Pendon, mahimo nagtuyo nga magpalagyo ang napatay gikan sa isolation pinaagi sa paglumpat sa building.

Ginpahayag man sang hepe nga wala sang foul play sa amo nga insidente.

Enero 21, 2022 sang nagsulod sa Hospital ang napatay bangud nagpositibo sa COVID-19. | Aksyon John Diaz

Hopeline PH’s 24/7 hotlines:

0917-558-4673 (Globe)
0918-873-4673 (Smart)
02-88044673 (PLDT)
2919 (toll-free for Globe and TM)

What’s your Reaction?
+1
0
+1
0
+1
0
+1
0
+1
0
+1
0
+1
0

OTORIDAD PADAYON NGA GINA USISA ANG KAMATAYON SANG PULIS NGA NASAPWAN SA HINIGARAN

Nagapati ni Police Capt. John Christopher Masangkay hepe sang Police Station 5 nga nagabinutig si Constancio Canoy Jr. nga upod ni Police Corporal Nestor Madelo sang matabo ang aksidente sadtong Sabado sang gab-i sa Barangay Sum-ag syudad sang Bacolod.

Si Canoy ang nagamaneho sang carry samtang sakay si Madelo sang na aksidente sa Barangay Sum-ag.

Suno kay Masangkay, may ginatago kag luyag ni Canoy nga patalangon ang imbestigasyon sang kapulisan angot sa natabo nga aksidente.

Natingala si Masangkay nga sabaylo dal-on ni Canoy ang pilason nga si Madelo iya ginbilin sa Bangga Akas Barangay Pilar banwa sang Hinigaran sa diin didto nakita ang patay nga lawas sang pulis.

Indi mabaton ni Masangkay ang rason ni Canoy nga hubog kag nahadlok ini kabangdanan nga ginbilin niya ang biktima sa nasambit nga lugar.

Nagapati si Masangkay may iban pa nga motibo si Canoy kon nga-a didto niya gindala sa lugar ang biktima. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.