TRICYCLE DRIVER NGA GINTIRO SA BRGY. 31, NAGTALIWAN NA

Share on facebook
Share on google
Share on pinterest
Share on twitter
Share on print

Nagtaliwan na ang tricycle driver nga natiruhan kagab-i sa Prk. Sta Ana, Brgy. 31 syudad sang Bacolod.

Sa interview sang Aksyon Radyo kay PMaj. Leo Estopa, hepe sang Police Station 6, ginpahayag sini nga napatay samtang ginabulong sa emergency room sang CLMMRH si Christofer Guanzon, matapos nakaangkon sang malubha nga pilas sa ulo.

Dugang pa ni Estopa, si Guanzon ang nalista sa Police Station 6 bilang drug surrenderer sadtong 2017.

Sa karon nagapadayon pa ang imbestigasyon sa pagkilala sa suspek kag motibo sa pagpatay.

BAHIN SANG PAMILYA SANG BIKTIMA

Ginatugyan sang pamilya Guanzon sa kapulisan ang pagsolbar sa kaso pagpatay kay Guanzon.

Suno kay Jenny Rose Guanzon, asawa sang biktima, ang iya bana ginluthang sang wala makilala nga suspek sa atubang sang iya 14 anyos nga bata nga nagaagda pa kon tani para magpanihapon sa selebrasyon sa kaadlawan sang magulang sang biktima.

Nagapati si Jenny Rose sa posibilidad nga may naakig sa iya bana bangod 3 ka bulan antis ang insedente, ginpahog ang iya bana nga tiruhon sang isa ka ginalegar  kawatan matapos wala ginkarga sa tricycle ang kinawatan nga pagkabutang.

Ginpahayag man ni Jenny Rose nga nakahanda ang ila pamilya nga magkooperar sa kapulisan sa madasig nga pagsolbar sa kaso. | Aksyon Dorel Cabatu, Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

MENOR DE EDAD PATAY SANG MAKURYENTE SA BAGO CITY

Patay ang 17 anyos nga menor de edad matapos makuryente samtang ginahimo ang iya trabaho bilang pahinante sang trailer truck.

Sa interview sa Aksyon Hotline, ginpahayag ni Senior Master Sgt. Job Ogaris, Chief Investigator sang Bago City Police Station, las 5:45 sang hapon kahapon, Lunes, Hunyo 27 sang nakabaton sila sang report nga may nakuryente sa Purok Michelle, Brgy. Dulao Bago City.

Ang biktima ginkilala kay John Lloyd Buenaflor.

Sa inisyal nga imbestigasyon sang kapulisan, si Buenaflor ang naga-assist sa backhoe nga ginamaneho ni Reynan Martinez sang natabo ang insidente.

Suno kay Ogaris, naga-assist si Buenaflor sa kay Martinez agud ikarga ang backhoe sa trailer truck, lipod sa ihibalo ni Martinez, nalambot sini ang main line sang CENECO sa diin ginapatihan naglatay ang kuryente padulong sa trailer truck bagay nga gintunaan sang pagka-kuryente sang menor de edad.

Ginhingagaw pa ini nga madala sa hospital apang las 7 lunes sang gab i, ini siya ang gindeklarar nga nagtaliwan na.

Ang pamilya sang menor de edad ang nakahibalo na angot sa insidente. | Aksyon Dorel Cabatu via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

MAYOR MONTILLA KAG MGA NAGDAUG NGA OPISYAL SA ISABELA NAGPANUMPA KAY GOV LACSON

(Capitol PIO Photo | June 28, 2022)

Pormal nga nagpanumpa kay Negros Occidental Governor Bong Lacson sa Negros Residences syudad sang Bacolod subong nga adlaw, si Isabela Municipal Mayor-elect Irene Montilla , Vice Mayor-elect Juan Miguel Montilla, kag mga na-iliher nga myembro sang Sanguniang Bayan.

Ang mag-iloy nga Montilla ang pareho nga kaalyado ni Lacson sa national political party nga Nationalist Peoples Coalition (NPC).

Samtang subong man nga hapon ginpatigayon ang inagurasyon para sa mga nagdaug nga kandidato sa syudad sang Talisay.

Ini ang ginpangunahan ni Talisay City Mayor-elect Neil Lizares III kag Vice Mayor-elect Jose Nicholas Jalandoni III.

Ang inaugural ceremony ginpatigayon alas 3 sang kaina sang hapon sa Talisay City Public Plaza. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.