TRICYCLE DRIVER, PILASON SANG NASALABAT SA PAGPANIRO SA HIMAMAYLAN

Share on facebook
Share on google
Share on pinterest
Share on twitter
Share on print

Pilason ang isa ka tricyle driver matapos nasalabat sa shooting incident nga nagluntad sa daan nga merkado nga sakop sang Nanding Gatuslao Street, Brgy 3 Poblacion syudad sang Himamaylan sang Myerkules nga adlaw, Agosto 3.

Ang biktima ang ginkilala kay Ronald Gane, legal ang edad kag residente sang Barangay 2, syudad sang Himamaylan.

Samtang, ang suspetsado naman ang ginkilala kay Charlie Cañezo, legal ang edad kag residente sang Purok 7, Brgy 1 sa amo man nga syudad. Si Cañezo isa ka scout ranger sang DENR sa syudad sang Kabankalan.

Suno kay Police Lt. Darryl Kuhutan, Deputy Chief of Police sang Himamaylan PNP, ang mag-amay nga Roberto kag Richard Montevilla kun tani ang target nga tiruhon ni Cañezo.

Apang, nakita sang isa ka lalaki nga nagbunot sang armas si Cañezo kag gulpi ini nga gintapik.

Nasalabat lamang si Gane kag nakaangkon sang pilas sa wala nga abaga kag karun ginabulong sa Governor Valeriano M. Gatuslao Memorial Hospital sa syudad sang Himamaylan.

Samtang, nakastiguhan naman sang mga residente si Cañezo kag nakaangkon sang pilas sa lawas. Kaso nga physical injury ang ipasaka batuk kay Cañezo nga priso karun sa custodial facility sang Himamaylan PNP.

Personal nga kaakig ang nagapanguna nga motibo sa likod sang krimen. | Aksyon John Diaz

What’s your Reaction?
+1
0
+1
0
+1
0
+1
1
+1
0
+1
0
+1
0

DOSE KA MGA ESTABLISAMENTO GINPAPANAUGAN SANG SHOW-CAUSE ORDER SANG SSS BACOLOD

12 tanan ka mga employer ang napadulongan sang Social Security System Run After Contribution Evaders ukon SSS-RACE campaign sa duha ka adlaw nila nga operasyon.

Sa interview sa Aksyon Hotline, ginpahayag ni SSS Bacolod Visayas West 1 Division Regional Communications Officer Charisse Magdalene Avila, duha ka branch sang SSS sa Bacolod ang nag-operate nga amu ang SSS East Branch kag SSS Lacson Branch.

Suno kay Avila, sang Huwebes, ang East Branch ang nagpatigayon sang operasyon sa diin anum ka mga employers ang napadulongan kag sang kahapon Biyernes, anum man ka mga employers ang napadulongan sang Lacson Branch.

Suno pa kay Avila, ang nasambit nga mga employers ang ginhatagan sang 15 diyas agud mag-comply.

Nahibaloan, ang tuyo sang RACE campaign sang SSS amu ang paglagas sa mga employers nga wala gina-remit sang insakto ang kontribusyon sang ila mga empleyado. | Aksyon Dorel Cabatu via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.