TRUCK DRIVER NGA NAGBUNGGO SA LADY RIDER, NAPASAKAAN NA SANG KASO

Share on facebook
Share on pinterest
Share on twitter
Share on print

Napasakaan sang kaso sang Police Station 7 ang driver sang trak nga nakabunggo sa isa ka babaye kagab-e sa Mansilingan Road, Bangga Adela, Brgy. Mansilingan syudad sang Bacolod, nga nagtuga sang kamatayon sang biktima.

Suno kay Police Station 7 Commander Police Captain Elmer Bonilla, natigayon ang pagpasaka sang kaso batuk kay Joven Buenavides, 53 anyos sang Brgy. Mailum syudad sang Bacolod, antis pa man mag-lapse ang reglimentary period.

Kaso nga reckless imprudence resulting to homecide with damage to property ang ginpasaka nga kaso batok kay Buenavides.

Pagpaathag ni Bonilla, kagab-e gilayon nga ginpaidalom sa drug examination si Buenavides apang wala pa makagwa ang resulta sini.

Nahibaloan, patay ang drayber sang motorsiklo nga si Era Alintao, 26 anyos, matapos masagaid sanh trak ni Buenavides ang ginamaneho sini nga salakyan.

Nagbalang-balang ang motorsiklo ni Alintao kag natumba.

Sa pinakahulihi nga imbestigasyon sang kapulisan, nahibaloan nga madasig ang pagpadalagan ni Buenavides apiesar nga masako ang dalanon nga sakop sang Bangga Adela, sa Barangay Mansilingan.

Nakita man sa kuha sang cctv camera nga mahimo wala matalupangdan ni Buenavides ang biktima bangud nga medyo madulom ang lugar.

Nagapabilin sa karun priso sa custodial facility sang Police Station 7 si Buenavides.

What’s your Reaction?
+1
2
+1
0
+1
0
+1
2
+1
0
+1
0
+1
0

SALAKYAN NGA GINKAKASAN SANG LGU LOGO KAG GINPULI SANG BTAO HEAD, NABALIK NA

Nabalik na ni BTAO Head Patrick Lacson ang isa ka bag-o nga salakyan sa idalum sang MABB Cab system nga nakuhaan sang litrato nga naka park sa gwa sang iya balay kag ginkuha ang logo sang syudad.

Una nga gin post ang litrato sang Toyota Avanza sa Bacolod Exposed FB private group nga kabahin sang 10 nga ginbakal sang LGU para sa MABB Cab.

Sa phone patch interview, Biernes, ginpahayag ni Lacson, nga isa ka adlaw kag tunga naglawig ang salakyan sa iya kag nagpadala na ini sang letter of apology kay Mayor Albee Benitez.

Pero ginpaathag ni Lacson, wala ini sang malain nga intensyon kag may yara lamang sang miscommunication nga natabo.

Ginpaathag ni Lacson, November 2023, may mitsubishi adventure nga gin detail ang LGU sa iya bilang BTAO Head pero may pangabay man sa LGU sang patrol car para sa ila operasyon. Suno kay Lacson, gin-convert sini pakadto sa patrol car ang gintugyan sa iya nga salakyan.

Dugang pa sang BTAO Head, nakalab-ot sa iya ang impormasyon nga sa 10 ka bag-o nga salakyan, lima lamang dire ang naga operate bangud sa kakulang sang regular nga driver.

Suno pa kay Lacson, iya ginkakas ang logo ka LGU sa salakyan bangud ini ang iya gina usar sa monitoring sang mga traffic enforcers kon nagatrabaho ukon wala.

Nag isyu naman si City Legal Officer Atty. Romeo Carlos Ting Jr. sang notice to explain sa BTAO Head. | Bacolod Exposed Photo/FB

What’s your Reaction?
+1
0
+1
0
+1
0
+1
0
+1
0
+1
0
+1
0

PAGDEKLARAR SANG STATE OF CALAMITY SA NEG OCC, GINPANGABAY SANG UNIFED

Gin-apelar ni United Sugar Producers Federation (Unifed) President Manuel Lamata, kay Governor Bong Lacson , Vice Governor Jeffrey Ferrer kag mga Provincial Board Members nga magdeklarar sang state of calamity sa Negros Occidental.

Suno kay Lamata, isa ini sa mga pamaagi para makabakal sang kaugalingon nga eroplano ang gobyerno probinsiyal agud usaron sa cloud seeding operations.

Dugang ni Lamata, nga nagakinahanglan na subong sang tubig ang mga katubuhuan nga apektado sang El Niño phenomenon.

Una diri ginpangabay ni Fifth District Cong. Dino Yulo ang Bureau of Soil and Water Management (BSWM) nga i-reassess ang ila desisyon nga nagapamatuk sa cloud seeding bangud sa kakulang sang seedable clouds kag posible kahalitan sa mga kapahuan sa San Carlos kag Guimaras.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.