MENU

UNEGA KAG LN WALA PA SANG DESISYON SA MANGIN KANDIDATO SA LMP – NEG OCC CHAPTER

  • at 5:16 pm
Share on facebook
Share on pinterest
Share on twitter
Share on print

Wala pa sang desisyon ang United Negros Alliance (UNegA) kag Love Negros (LN) kun sin-o ang mangin kandidato sa eleksyon sang League of Municipalities of the Philippines (LMP) Negros Occidental Chapter.

Suno kay Vice Governor Jeffrey Ferrer, bukas man ang ila partido sa tanan nga gusto magpapili apang kinahanglan pa nila nga ini nga maestoryahan.

Ginklaro ni Ferrer nga indi sa gilayon madesisyonan ang amo nga bagay, bangud indi pareho sang Association of Chief Executives (ACE) nga local initiatives lamang sang mga opisyal ang pagtukod sini, ang LMP ang isa sa mga member leagues sang Union of Local Authorities of the Philippines (ULAP) nga umbrella organization sang tanan nga mga leagues sang local government units (LGUs) kag locally elected government officials.

Sa karon nagaserbe bilang Presidente sang LMP-Negros Occidental si Valladolid Mayor Enrique Miravalles nga kaalyado sang LN.

Nagligad nga adlaw, gindesisyonan sang UNegA kag LN nga si La Carlota City Mayor Julius Martin Asistio amo ang coalition candidate sa pagka Presidente sang Philippine Councilors League (PCL).

Si Asistio nga miyembro sang UNegA samtang si Silay City Councilor Ryan Gamboa amo subong ang incumbent PCL President kag LN member. Patigayunon ang eleksyon sa maabot nga Agusto 22. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

51 BARANGAYS SA PROBINSYA GINDEKLARAR ‘ELECTION AREAS OF CONCERN’ SANG RJSCC

September 25, 2023

Wala pa nakasapol ang provincial council agod istoryahan ang damlag lamang deklarasyon sang Regional Joint Security Control Center (RJSCC) may angot sa mga lugar sa Negros Occidental nga kalakip sa Election Areas of Concern.

Suno kay Negros Occidental Police Provincial Office (NOCPPO) Spokesperson Police Captain Judesses Catalogo, sa 58 ka mga lugar sa probinsya nga ginrekomendar sang provincial security group, 51 ang gin-aprubahan sang regional council.

Dugang pa ni Catalogo, may posibilidad nga i-adapt sang provincial council ang listahan sang RJSCC.

Basi sa datus nga nakuha sang Aksyon Radyo Bacolod, ang 51 ka lugar nga gindeklarar nga Election Areas of Concern amo ang siyam ka barangay sa Calatrava; tig lima ka barangay sa Isabela, Cauayan, Escalante, Kabankalan, kag Sipalay; Tig apat ka barangay sa Candoni, Moises Padilla, kag Toboso; tatlo ka barangay sa Himamaylan; duha sa DSB kag tig isa sa La Castellana, Ilog kag San Enrique.

Wala pa nakapagwa ang COMELEC sa listahan sang mga lugar nga ginpaidalom sa election area of concern.

What’s your Reaction?
+1
0
+1
0
+1
0
+1
0
+1
0
+1
0
+1
0

MAG-LOLA, PILASON SANG MABUNGGUAN SUV NGA GINAMANEHO SANG BJMP PERSONNEL

September 25, 2023

Pilason ang mag-lola sa aksidente nga nagluntad sa highway sa syudad sang Cadiz.

Ang mga pilason ginkilala sang mga kapulisan nga sanday Sherly Montero, 64 anyos kag ang 16 anyos sini nga apo kag pareho nga residente sang Barangay Burgos, syudad sang Cadiz.

Ang menor de edad amo ang nagamaneho sang motorsiklo.

Base sa imbestigasyon sang kapulisan, nabungguan sang salakyan nga ginamaneho ni Jail Officer 1 Vic Dela Cruz ang motorsiklo nga ginasakyan sang mga biktima.

Gin-alegar nga gulpi nga nagtabok sa dalan ang motorsiklo rasun kun nga a nabungguan ini sang auto.

Nakaangkon sang pilas sa nagkalain-lain nga bahin sang lawas ang mag-lola kag karun ginabulong sa Cadiz District Hospital.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.