UNION, GINKWESTYON ANG CENECO SA GIN ALEGAR WALA MA RELEASE NGA 15K SIGNING BONUS

Share on facebook
Share on google
Share on pinterest
Share on twitter
Share on print

Magapatigayon sang strike vote ang Central Negros Electric Cooperative (CENECO) sa maabot nga Sabado, Enero 29.

Suno kay CENECO Union of Rational Employees (CURE) President Stefannie Montaner, wala ginpatuman sang CENECO ang mga importante nga probisyon sa ginpermahan nga Collective Bargaining Agreement (CBA).

Ang ginatumod ni Montaner amo ang gin alegar wala na-released nga signing bonus nga 15,000 ka pesos para sa mga rank and file employees sang CENECO.

Ang paghatag sang signing ang aprobado na sang AGMA ukon Annual General Membership Assembly (AGMA).

Ginsaysay man ni Montaner nga makapila na ka beses nga naga-negosyar ang union sa mga supervisory employees nga nagatiglawas sa Board of Directors apang wala sa gihapon napatuman ang ila nga ginkasugtan.

Nakibot na lamang ang CURE nga sang Enero 13, 2022 nagpagwa sang mando ang NEA nga dapat makasukot sang 95% sang collection effeciency ang CENECO antis ihatag ang bonus nga para naman sa union paglapas sa kasugtanan.

Dugang pa ni Montaner wala man napatuman sang CENECO ang 5 porsyento nga saka sa sweldo sang mga empleyado sa kada duha ka tuig nga nakabutang man sa CBA.

Sa patigayunon nga strike vote, maga-botar ang tanan nga rank and file employees kun pabor sa pagpatigayon sang strike kun indi ma-released ang signing bonus.

Ginakwestiyon man sang union ang paghatag sang 80,000 ka pesos nga bonus sa mga Board of Directors sang Disyembre nagligad nga tuig 2021 apang wala gin-released ang 15,000 ka pesos nga signing bonus sang mga empleyado.

Suno kay Montaner, ang paghatag sang 80,000 ka pesos nga bonus sa mga Board of Directors ang kwestiyonable bangud nga wala ini ginpahibalo sa mga empleyado ukon wala man nag-agi sa nagakaigo nga proseso.

Dugang pa ni Montaner, ang 15,000 ka pesos naman nga signing bonus sa mga rank and file employees ang nagsugod sa legal nga proseso apang tubtob subong wala pa mahatag.

Pagpahayag ni Montaner kun wala gid man sang nagakaigo nga pundo ang CENECO para sa signing bonus ngaa may napagwa nga pundo para sa bonus sang mga Board of Directors.

Nagapati ang union nga may yara sang mismanagement sa CENECO.

Ang union ang nagpatigayon sang press conference sa Negros Press Club, Enero 24, 2022. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.