UNVACCINATED NGA NAGABUSONG, GINBAWIAN SANG KABUHI BANGUD SA COVID-19

Share on facebook
Share on pinterest
Share on twitter
Share on print

Patay ang 20 anyos nga babaye nga naga busong sa syudad sang Bacolod matapos matapikan sang COVID 19.

Suno kay Emergency Operation Center Executive Director Em Ang, ang biktima ang ika tatlo na nga napatay sini nga bulan sang Enero sa diin magluwas sang napatay nga naga busong, isa pa ka cancer patient ang kadungan man sini nga nagtaliwan kahapon nga adlaw.

Dugang pa ni Ang, base sa ila pagpangusisa ang duha ka mga biktima ang lunsay wala ma bakunahan.

Suno pa kay Ang, naga batyag na sang tuman ka lala nga sitwasyon ang pasyente nga naga busong antis gin dala sang iya pamilya sa hospital.

Dugang pa sini, masubo man balita bangud ila na diskobrehan nga indi lamang ang napatay nga naga busong ang wala ma bakunahan kundi pati na ang iya bilog nga pamilya.

Bangud sini, naga laum ang opisyal nga kon tani maga serbe ini nga leksyon sa publiko kon ano ka importante ang gina kampanya sang publiko nga pagpa bakuna kontra COVID 19.

Samtang, nagapati si Ang sa posibilidad nga magataas pa ang numero sang mga Bacolodnon nga naga positibo sa COVID 19. 

Suno kay Ang, base sa ila nakuha nga datus gikan sa mga molecular laboratory subong nga adlaw, naglab-ot na sa masobra 200 ka mga indibidwal nga gin paidalum sa swab test ang nag positibo sa virus base sa real time data. 

Apisar sini, dako man ang pagpasalamat ni Ang bangud sa pihak sang nagtaas nga numero sang kaso, mayoriya sang mga indibidwal nga nagpositibo ang nangin asymptomatic kag nagbatyag lamang sang mild nga mga sintoma. 

Padayon naman nga gina tutukan sang lokal nga panguluhan sang Bacolod ang pagpatigayon sang lapnagon nga Information and Education campaign angut sa naga padayon nga vaccination drive. | Aksyon Art Tayhopon

What’s your Reaction?
+1
2
+1
0
+1
1
+1
0
+1
0
+1
1
+1
0

MORE STORIES:

LIKE US ON FACEBOOK

error: Ooops... You are not authorized to copy this content.