Ginpanawagan ni Health Undersecretary Dr. Kenneth Ronquillo sa publiko nga suportahan ang “Pinaslakas Nationwide Booster Campaign” agud malab-ot ang ginatarget nga vaccination rate sa Pilipinas.
Ini ang ginpahayag ni Ronquillo sa “Bakunahang Bayan Special Vaccination Days” sa banwa sang Murcia subong nga adlaw, Hwebes.
Suno kay Ronquillo indi malab-ot ang ginatarget nga booster coverage kun wala ang kooperasyon sang publiko.
Iya pa gindugang nga sa karon yara pa lamang sa kabug-usan nga 24% ang nalab-otan sa target nga 90% senior citizens kag 50% sa general population.
Si Ronquillo ang nagsaksi sa special vaccination day sa gym sang Murcia kaupod si Health OIC Undersecretary Atty. Charade Mercado-Grande.
Nagligad nga Setyembre 21, ginpahayag ni DOH OIC Undersecretary Maria Rosario Vergeire nga malayo pa sila sa ila 50% booster coverage nga target para sa una nga isa ka gatos ka adlaw ni Presidente Ferdinand “Bongbong” Marcos, Jr. sa maabot nga Oktubre 8.
Para malab-ot ang 50% nga booster coverage sang DOH, kinahanglan nga mabakunahan sang booster shot ang 23 milyones ka mga indibidwal sa pungsod. | Aksyon Marlon Genovea
