Naglab-ot na sa 123 porsiyento nga kadamuon sang mga Bacolodnon ukon kapin sa 480 mil ka mga indibidwal ang fully vaccinated angut sa naga padayon nga COVID 19 vaccination drive sang syudad.
Suno kay Dr. Chris Sorongon deputy for medical and data analysis sang EOC, wala pa malakip sa amo nga datus ang mga pamatan-on nga nabakunahan lakip na ang mga nagpa booster dose.
Dugang pa ni Sorongon, maga padayon ang operasyon sang nagkalain nga mga vaccination center sang syudad magluwas lamang sa SM kag Ayala Mall nga temporaryo maga untat umpisa Biernes nga adlaw, Enero 21 matapos mag positibo sa routine surveillance testing rapid antigen test ang pila ka mga medical workers.
Natalana nga maga balik ang operasyon sang Ayala Mall sa palaabuton nga Enero 30 samtang Enero 25 naman ang sa bahin sang SM.
Suno pa kay Sorongon tanan nga mga medical workers nga nagpositibo sa rapid antigen test ang natalana nga ipaidalum sa isolation process. | Aksyon Art Tayhopon