VALIDATION SANG BAG-O NGA ORGANIZED DRUG GROUP SA REGION 6, NAGAPADAYON

Share on facebook
Share on pinterest
Share on twitter
Share on print

Padayon karon ang pagpatigayon sang Police Regional Office 6 sang validation kon may mga bag-o nga organized drug group sa rehiyon kag kon aktibo pa ang mga nakilala nga grupo.

Suno kay PRO6 Spokesperson LtCol Arnel Solis, gina update sa karon nila ang ila records apang kinahanglan sang maid id nga validation kag padayon ang pagkuha sang dugang pa nga mga impormasyon bangud indi dali dali makapalayag kon my mga nadugang ukon na dismantle nga mga organized drug group.

Dugang pa, paagi man sa nagakaladakpan sa buybust operations, ilabi na ang mga ginakabig nga Street Level Individuals, ila mahibaluan kon diin nagahalin ang suplay sang droga kag amo ang ila gina tun-an kon paano madakpan para indi na makalambot pa ang suplay sa magagmay nga drug runners.

Suno kay Solis, kadamo sang mga nagakaladakpan bangud sa mas ginpabaskog nga anti illegal drugs operations.

What’s your Reaction?
+1
0
+1
0
+1
0
+1
0
+1
0
+1
0
+1
0

DUGANG NGA 17 KA NEGOSYO SA BACOLOD, GINPASIRA

17 ka dugang nga establisemento sa syudad sang Bacolod ang ginpasirad-an sang syudad umpisa Mayo 1 tutub 15, 2024 bangud sa pag-operar nga wala sang business permit.

Suno kay City Legal Officer Atty. Romeo Carlos Ting, Jr. una nga gin-isyuhan sang ikaduha nga notices ang tag-iya sang mga business establishments agud magproseso sang ila permits apang wala magtuman, kabangdanan nga gin-implementar sang CLO-Enforcement Team ang closure order.

Dugang pa ni Ting, kalabanan nga mga ginpasirad-an amo ang mga karenderya sa nagkalain-lain nga barangay sa syudad.

Gina-implementar sang syudad ang closure order basi sa Revised Revenue Code sang syudad sang Bacolod kag sa rekomendasyon sang Permits and License Division Office (BPLO).

What’s your Reaction?
+1
0
+1
0
+1
0
+1
0
+1
0
+1
0
+1
0

BCPO MAGABULIG SA PAGPATAHOM SA GIN-VANDALIZE NGA LUGAR SA BACOLOD

Magabulig patahom sa gin-vandalize nga lugar sa Bacolod ang Bacolod City Police Office (BCPO) sa pagpanguna ni BCPO City Operations Management Unit Chief PLt. Col. Lester Leada.

Ginpahayag ni Leada, nakigsapol siya upod kay Bacolod City Administrator Dr. Lucille Gelvolea kag iban pa nga stakeholders angot sa plano nga pagpatahom sa mga vandalized areas.

Suno kay Leada, nagapakig-angot na sila sa siudad agud ma-identify ang mga lugar nga apektado sang vandalism.

Nahibaloan, ang anti-vandalism campaign sang BCPO ang ginahimo nga tikang agud mabuligan ang siudad para sa ginaduso nga mangin Super City ang Bacolod.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.