MENU

VENUE SANG PROBINSYA PARA SA MASSKARA, APRUBADO NA NI GOV. LACSON

  • at 8:47 pm
Share on facebook
Share on pinterest
Share on twitter
Share on print

Aprobado na ni Governor Eugenio Bong Lacson ang sulat nga ginpadala ni Mayor Albee Benitez nga naga pangabay sa probinsya sa pag gamit sang pila ka mga lugar bilang venue sang pila ka mga aktibidad may kaangtanan sa selebrasyon sang Masskara Festival sa bulan sang Oktubre.

Base sa komunikasyon nga gin padala ni Benitez, indi lamang ang Paglaum Stadium ang gin request sang Alkalde kundi ini ang gina lakipan man sang North kag Capitol road nga natalana paga gamiton bilang tourism strip umpisa Oktubre 19 tubtob 22.

Base sa plano sang Yuhum Foundation nga amo ang organizer sang event, ang Paglaum Stadium amo ang mangin venue sang arena dance competition lakip na ang closing ceremony.

Magluwas sa venue sang event, gin aprobahan man sang Gobernador ang pangabay ni Benitez para sa dugang nga mga personnel nga maga bulig sa General Services Office, Security, kag DRRMO sa tion sang amo nga kahiwatan.

What’s your Reaction?
+1
0
+1
0
+1
0
+1
0
+1
0
+1
0
+1
0

MASOBRA 700K NGA MOTOR OIL KAG BATTERY SA MOTORPOOL SANG KAPITOLYO, GINKAWAT

December 6, 2023

Ginatutukan sang Provincial Legal Office (PLO) ang angulo nga ‘inside job’ kag kapabayaan sang mga naka-duty nga gwardiya, sa natabo nga pagpangawat sang masobra tunga sa milyon ka pesos nga balor sang motor oil kag battery sa motorpool sang Provincial Engineering Office (PEO) sa dalan Gatuslao syudad sang Bacolod.

Suno kay Provincial Legal Officer Atty. Alberto Nellas Jr., ila pagahulaton ang resulta sa imbestigasyon sang mga kapulisan, antis desisyonan kun papanaugan sang penalidad ang mga empleyado ukon gwardiya nga nakadestino sa lugar.

Sa record sang PLO, P282,753.00 nga balor sang motor oil kag P472,553.00 nga battery ang nadula.

Nag-agi ang mga kawatan paagi sa pagbuho sa pader sang motorpool nga tupad sang mga panimalay sa Brgy. 6 syudad sang Bacolod.

Sa karon may ginatutukan na ang PLO nga persons of interest.

What’s your Reaction?
+1
0
+1
0
+1
0
+1
0
+1
0
+1
0
+1
0

KAP GONZALES-PALLEN WALA KONTRA SA PAGKA LNB PRESIDENT

December 6, 2023

Wala sang kasumpong si Kapitan Lady Gles Gonzales-Pallen sang Barangay Taculing matapos nag file sang kandidatura sa pagka Presidente sang Liga ng mga Barangay sa Bacolod.

Myerkules sang hapon, Disyembre 6 sang opisyal na nga nagtakop ang filing sang kandidatura para sa eleksyon sang Liga nga gintalana sa Disyembre 15.

Suno kay Kapitan Carl John Magno, sang Barangay 14 kag pamuno sang nomination committee, nagaisahanon nga nag-file sang COC sa pagka presidente si Gonzales-Pallen.

Nag file sang kandidatura sa pagka bise-presidente si Franz Tiongco, Kapitan sang Barangay Mansilingan kag Kapitan Jose Maria Leandro De Leon sang Barangay Vista Alegre sa pagka Auditor

Kalakip man nga nagfile sang COC sa pagka Board of Diretors sanday Kapitan Elmer Villanueva sang Barangay 40, Kapitan John Pettiere sang Barangay 30, Kapitan Rodney Carmona sang Barangay Sum-ag, Kapitan Yolanda Noble sang Barangay Pahanocoy, Kapitan Armando Vito sang Barangay Granada, Kapitan Jerry Tingson sang Barangay Estefania,Kapitan Lope Ledesma sang Barangay 24, Kapitan Baldo Benjamin sang Barangay Banago kag Kapitan Rommel Flores sang Barangay Villamonte.

Samtang nakanselar naman ang COC ni Kapitan Ruben Miranda sang Barangay 35 bangud wala ma-comply ang requirements.

Walo lamang ang pagapilion sa pagka board of director.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.