MENU

VG FERRER KALAKIP SA NAGTAMBONG SA KAADLAWAN NI PRESIDENTE MARCOS

  • at 5:46 pm
Share on facebook
Share on pinterest
Share on twitter
Share on print
(VG Jeffrey Ferrer FB Photo)

Kalakip man si Negros Occidental Vice Governor Jeffrey Ferrer kag asawa sini nga si Fourth District Congressman Juliet Marie Ferrer sa mga opisyal nga nagtambong sa birthday luncheon ni Presidente Ferdinand “Bongbong” Marcos Jr. sa Rizal Hall, Malacañang Palace.


Si Ferrer ang gindesignar ni Marcos bilang Personal Advisor for Western Visayas umpisa nagligad nga Agusto 3. Siya amo man ang nagpanguna sa presidential campaign ni Marcos sa Negros Occidental nagligad nga Mayo 9 nga eleksyon.


Si Marcos ang nagasaulog sang iya ika-65 anyos nga kaadlawan subong Setyembre 13, 2022.


Kaina sang aga, Martes nakigbahin ang presidente sa nationwide simultaneous bamboo kag tree planting sa San Mateo MMDA Landfill. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

VENUE SANG PROBINSYA PARA SA MASSKARA, APRUBADO NA NI GOV. LACSON

September 25, 2023

Aprobado na ni Governor Eugenio Bong Lacson ang sulat nga ginpadala ni Mayor Albee Benitez nga naga pangabay sa probinsya sa pag gamit sang pila ka mga lugar bilang venue sang pila ka mga aktibidad may kaangtanan sa selebrasyon sang Masskara Festival sa bulan sang Oktubre.

Base sa komunikasyon nga gin padala ni Benitez, indi lamang ang Paglaum Stadium ang gin request sang Alkalde kundi ini ang gina lakipan man sang North kag Capitol road nga natalana paga gamiton bilang tourism strip umpisa Oktubre 19 tubtob 22.

Base sa plano sang Yuhum Foundation nga amo ang organizer sang event, ang Paglaum Stadium amo ang mangin venue sang arena dance competition lakip na ang closing ceremony.

Magluwas sa venue sang event, gin aprobahan man sang Gobernador ang pangabay ni Benitez para sa dugang nga mga personnel nga maga bulig sa General Services Office, Security, kag DRRMO sa tion sang amo nga kahiwatan.

What’s your Reaction?
+1
0
+1
0
+1
0
+1
0
+1
0
+1
0
+1
0

COUNCILOR SAYSON MAY PAATHAG SA 35M NGA PONDO SANG SAFETY SEAL ORDINANCE

September 25, 2023

Ginpahayag ni Councilor Jude Thaddeus Sayson, chair sang committee on finance and appropriation, nga ‘budgetary requirement’ lamang ang 35 milyones pesos nga pondo sa pagpatuman sang Safety Seal Ordinance sang LGU.

Ini ang gin aprubahan nga ordinansa sang konseho sa tuyo nga malikawan ang pagpameke sang dokumento magluwas pa sa ginabutang nga QR code.

Sa press conference, Lunes, ginpahayag ni Sayson, indi lamang isa ka tranche ang pagpatuman sang 35 milyones pesos kundi depende sa available nga pondo sang syudad.

Suno kay Sayson, income-generating man ang ordinansa kag mabawi man sang LGU ang ginusar nga pondo bangud baklon sang publiko ang safety seal.

Una na nga ginpahayag ni Councilor Al Victor Espino, author sang ordinansa, nga 50 pesos ang balor sang safety seal.

Ginpaathag ni Sayson, nga nag adapt lamang ang LGU sa sini nga ordinansa bangud ang safety seal ang ginapatuman naman sang gobyerno nasyunal kaangay sang DILG.

Suno pa sa Konsehal, masiguro sang publiko nga authentic ang dokumento kon ini ang may safety seal nga indi masunod kag indi magisi.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.