Naga-apelar si Negros Occidental Vice Governor Jeffrey Ferrer sa mga kandidato sa probinsiya nga likawan ang paghaboy sa malain nga tinaga sa kasumpong.
Suno kay Ferrer, dapat nga ipalayag sa publiko kun anu ang tinutuyo sa pagpapili sini sa ila tagsa ka lokalidad.
Dugang sang bise gobernador, mas maayo nga plataporma de gobyerno kag indi personalay ang kampanya agud mahangpan sa botante.
Indi matago, apisar nga may pag-isa na ang ang United Negros Alliance ukon UNA kag Love Negros nga mga loca political party, apang may engkwentrohanay gihapon sa mga banwa kag syudad.
Samtang, ginhingyo ni Ferrer sa otoridad sa probinsiya nga imbestigahan sa tul-id ang mga alegasyon nga may ginpatay na tungod sa politika kag pahugay.
Nagalaum si Ferrer nga magapabilin nga matawhay ang pinili-ay sa Mayo 9 nga Presidential kag Loca Elections.
Naga-apilar man ini sa kapulisan nga mahatagan sa hustisya ang biktima.
Una sini, ginpatay ang anay kagawa sang Barangay Culipapa, Hinoba-an kag ginkabig ni Mayor Ernesto Estrao nga politically motivated.
Nagpalayag man sa kahangawa si Hinigaran Mayor Nadie Arceo matapos ginsunod-sunod ang iya tiayon sang motorsiklo kag van. | Aksyon Bryan Morden