Ginatugyan ni Bacolod Vice Mayor El Cid Familiaran kay Mayor-elect Albee Benitez ang pag desisyon sa mangin liderato sang Local Inter-Agency Task Force sang syudad sang Bacolod.
Suno kay Familiaran, chair sang Local IATF, wala pa mahibaluan kon magapabilin ini sa IATF pero sarang ini nga makatrabaho upod ang iban.
Pero gin suhestyon ni Familiaran nga hatagan sang exposure kag responsibilidad ilabi na ang mga hubines nga opisyal.
Ginpahayag sang Bise-Alkalde, iya man gina bilin sa chief executive ang pag desisyon ang operasyon sang Emergency Operations Center.
Samtang, ginalantaw ni Familiaran nga ang Alert Level 1 amo na ang pinakanubo nga status sang syudad sa Covid-19 kag indi malambot ang Alert Level 0.