VP SARA DUTERTE WALA PA SANG KUMPIRMASYON NGA MAKATAMBONG SA MASSKARA 2022

Share on facebook
Share on pinterest
Share on twitter
Share on print

Wala pa sang kumpirmasyon nga magatambong si Vice President Sara Duterte sa ika-43 nga MassKara Festival.

Madumduman, una nga ginpahayag ni Mayor Albee Benitez nga magluwas kay President Ferdinand Marcos, gin imbitar man sang syudad si VP Sara sa kahiwatan.

Suno kay Festival Director Atty. Pinky Mirano-Ocampo, nagahulat pa sila sang komunikasyon halin sa bise-presidente.

Dugang pa ni Mirano-Ocampo, wala pa mahibaluan kon ano nga event ang kadtuan ni PBBM sa MassKara kaupod ang iya nga pamilya.

Ginapaabot ni Mirano-Ocampo, ang pagpadulong man sang Presidential Security Group ukon PSG para magpatigayon sang ocular inspection.

Sa nahibaluan, sa Oktubre 23 ang highlight kag katapusan nga adlaw sang kahiwatan sa diin may 17 ka mga Barangay ang maga compete sa MassKara streetdance kag arena competition sa Paglaum Sports Complex.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.