Negatibo sa cholera ang water sample nga nakuha sang Bacolod City Health Office sa pila ka bomba sang tubig sa Purok Laurel, Barangay Mansilingan, syudad sang Bacolod.
Ini kasunod nga nag gwa na ang laboratory test sang ginkuha nga water sample matapos nga may babaye nga nag positibo sa cholera sa nasambit nga lugar.
Ginpahayag ni Dr. Grace Tan, pamuno sang CHO Environment and Sanitation Division, sa karon indi pa ma establisar kon paano nagpositibo sa Cholera ang babaye bangud madamo sang ginkaon ang pasyente nga nakarecover na.
Ginpaathag ni Tan nga food and water borne ang cholera kag gastroentirites, rason nga damo sang factors sini kaangay sang food handling, hygiene, contamination sang higko sang tawo, kag iban pa.
Pero suno kay Tan, wala na sang may namonitor nga suspected cholera sa amo nga lugar.
