Pilason ang isa ka welder matapos gintiro sang iya tupad balay sa Prk.Golden Rosary Block 1 ,Brgy.Handumanan syudad sang Bacolod kaina sang hapon,Oktubre 1, 2022
Ang biktima ginkilala kay Alfredo Tabolinar,65 anyos samtang ang suspetsado ginkilala kay Micheal Glen Cabalhin, 35 anyos.
Suno kay Police Lieutenant Michael Tuburan, Deputy Chief of Police sang Bacolod City Police Station 10, madugay na nga nagadumtanay ang duha sa diin, ginreklamo sadto ni Cabalhin si Tabolinar sa Barangay may angot sa gina usar sa pag -welding nga tama ka baho.
Wala na-recover ang pin gun nga gin usar sa krimen bangod ginhaboy ni Cabalhin sang ini ang ginlagas sang kapulisan.
Nakaagom sang pilas sa dughan si Tabolinar sa diin, naglubong ang bala sa iya tul-an.
Sa karon, gina preparar na ang mga papeles sa pagpasaka sang kaso nga frustrated murder batuk sa suspetsado nga priso sa custodial facility sang Police Station 10. | Aksyon Zil Menardo