MENU

BANGKAY SANG SENIOR CITIZEN, NASAPWAN

  • at 7:27 pm
Share on facebook
Share on pinterest
Share on twitter
Share on print

Nagakaagnas na sang nasapwan ang bangkay sang isa ka senior citizen nga babaye sa Sitio Tabionan, Brgy. Tabu sa banwa sang Ilog hapon sang Enero 3.
Ang napatay ginkilala kay Melba Paglumotan, 60 anyos sang Brgy. Tabu sa banwa sang Ilog.

Suno sa mga kapulisan, ang biktima may duha ka pilas tuga sang pagkabuno sa natuo nga bahin sang iya nga abaga kag bali ang liog.

Ginaimbestigahan pa karun sang kapulisan ang motibo sang insidente.

Yara karun ang bangkay sang biktima sa Sola Gracia Funeral Services sa Sitio Lupni, Brgy. Hilamonan syudad sang Kabankalan kag ginpaidalom na sa post-mortem examination. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

ABOITIZ NAG ATRAS SA 1.2B BULK WATER PROJECT

May 17, 2024

Nag-atras sa plano nga P1.2 billion pesos Negros Occidental Bulk Water Supply Project (NBWSP) ang Aboitiz InfraCapital.

Ini ang ginpahayag ni Provincial Administrator Atty. Rayfrando Diaz.

Suno kay Diaz, confidential ang rasun sang amo nga kumbuyahan, nga isa sa tatlo (3) ka mga una nga nagpahayag sang interest sa pagpakigbahin sa amo nga proyekto.

Apang ginklaro ni Diaz, nga magapadayon sa gihapon ang gintalana nga public bidding sa Hunyo 27 paagi sa mga nabilin nga mga bidders.

Suno kay Diaz , may pila pa ka mga kumbuyahan ang nag-adjust sa deadline sa pagsumiter sang mga bid documents kag nagpangabay nga mapalawig pa sang duha ka bulan.

Apang suno kay Diaz nga kun siya ang pasugtan, gusto niya nga dayunon ang bidding sa Hunyo 27 basta may magapartisipar lamang nga bidder bangud kinahanglan na subong nga solusyonan ang problema sa kakulang sa suplay sang tubig.

What’s your Reaction?
+1
0
+1
0
+1
0
+1
0
+1
0
+1
0
+1
0

PROBINSYA NAKA RECORD SANG DUGANG NGA ISA KA PERTUSSIS CASE

May 17, 2024

Nakarekord sang isa ka bag-o nga kaso sang pertussis ang Negros Occidental.

Suno kay Provincial Administrator Atty. Rayfrando Diaz, ang pasyente nagaedad sang isa ka tuig sang Brgy. Guinhalaran syudad sang Silay nga naadmit sa hospital nagligad nga Mayo 5, apang nakagwa man sang Mayo 13.

Sa karon ang Negros Occidental ang may kabug-usan na nga 15 ka mga kompirmado nga kaso sang pertussis kalakip ang isa ka napatay.

Dugang ni Diaz, ginahulat sa gihapon sang Provincial Health Office (PHO) ang pag-abot sang 10,000 vials pentavalent vaccines nga ginbakal sang gobyerno probinsiyal.

Ini ang usaron para sa patigayunon nga catch-up vaccination sa mga kabataan nga nagaedad lima (5) ka tuig panubo, agud mapahagan hagan ang pertussis.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.