Nagporma sang duha ka grupo ang Bacolod City Police Office (BCPO) nga amo ang magatutok sa kampanya sang mga kapulisan batuk sa ilegal nga droga sa idalom City Drugs Enforcement Unit (CDEU).
Suno kay BCPO Spokesperson Police Lt. Col. Ariel Pico, agud tayuyon kag epektibo ang kampanya kontra sa ilegal nga droga mas maayo nga duha ka mga grupo ang nakatutok diri.
Ang kada grupo ang may kaugalingon man nga mga team leader.
Ginpasiguro ni Pico nga may proper coordination ang duha ka mga grupo agud nga indi magtuga sang konplikto sa pagpatigayon sang buy bust operation ukon drug raid.
Ginkumpirmar man ni Pico nga sumugod nagligad nga semana ginpahamtang bilang tagpamuno sang CDEU si Police Major Garry Allan Resuma.
Si Resuma man ang concurrent nga Chief sang Investigation Detective Management System (IDMS) sang BCPO.