MENU

CALATRAVA PNP MAY PERSONS OF INTEREST NA SA PAGPATAY SA BANTAY BUKID

  • at 8:00 pm
Share on facebook
Share on pinterest
Share on twitter
Share on print

May 4 ka persons of interest na ang Calatrava PNP sa nagpatay paagi sa paglabo sa bantay bukid nga ginkilala kay Jemril Gonzaga sadtong Enero 3 sa Sitio Huebesan, Barangay Marcelo banwa sang Calatrava.

Suno kay Major Rocky Desear, hepe sang Calatrava PNP, isa sa person of interest amo si Alyas Toktoy Fernando nga amo ang nagbulig sa iya kag gin alegar may 3 pa ini ka mga kaupdanan kag kilala ang ila grupo bangud sa ila mga ilegal nga aktibidad.

Suno kay Desear, ginatan-aw sa karon nga motibo sa pagpatay amo ang pagreport ni Gonzaga sa mga suspetsado sa ila punong barangay sang mga ilegal nga ila ginabuhat kaangay sang ilegal nga pagpangahoy sa kabukiran.

Dugang pa ni Desear, nahibaluan nga may mga pending warrant of arrest na ang mga suspetsado sa nagkalain-lain nga kaso kaangay sang pagpamatay. | Aksyon Eden Aboso

What’s your Reaction?
+1
0
+1
0
+1
0
+1
0
+1
0
+1
0
+1
0

MAYOR ALBEE, MAGAPANGABAY SANG PONDO SA NATIONAL PARA SA KONSTRUKSYON SANG JAIL FACILITY

May 20, 2024

Pangabayon ni Bacolod City Mayor Albee Benitez ang gobyerno nasyonal nga pondohan ang pagpatukod sang bag-o nga Bureau of Jail Management and Penology (BJMP) male dormitory sa Brgy. Granda syudad sang Bacolod.

Ini ang ginpahayag sang alkalde, matapos bisitahan ang BJMP sa compound sang Bacolod City Police Office Barangay Singcang-Airport syudad sang Bacolod nagligad nga Sabado.

Suno sa alkalde, ila gindesisyonan ang pagsaylo sang BJMP sa ginbakal nga propeidad sang syudad sa Brgy. Granada agud masulbar ang problema angot sa pag-ginutok sang mga priso, kakulang sang espasyo kag mga pasilidad.

Sa pagbisita sang alkalde, iya na-obserbahan ang indi maayo nga kondisyon sang kapin 700 ka mga priso sa pasilidad nga kuntani para lamang sa 300 ka mga persons deprived of liberty (PDLs).

What’s your Reaction?
+1
0
+1
0
+1
0
+1
0
+1
0
+1
0
+1
0

PAGPAKIG ALYANSA SA PFP, GINATUN-AN NI MAYOR ALBEE

May 20, 2024

Ginatun-an ni Bacolod City Mayor Albee Benitez ang plano nga pagpakig-alyansa sa Partido Federal ng Pilipinas (PFP) nga ginapamunuan ni Presidente Bongbong Marcos Jr.

Suno kay Benitez, iya pa nga ginahulat ang pag-aprubar sang Commission on Election sa accredidation sang iya gintukod nga Kilusan ng Nagkakaisang Pilipino (KNP) sa diin siya ang nagaserbe bilang party president.

Basi sa Omnibus Election Code , ang isa ka political party ang dapat nga magparehistro sa Commission agud makakuha sang juridical personality, ma-qualify sa subsequent accreditation, kag makakuha sang kinamatarung kag prebilihiyo nga ginahatag sa mga political parties.

Nagapati ang alkalde nga ang pagpakig-alyans sang PFP sa mga national political parties ang kabahin sa pagpabakod sang amo nga partido , pareho man sang Uniteam Alliance nga gintukod agud suportahan ang kandidatura ni Marcos bilang presidente sang 2022 nga eleksyon.

Ulihi nga nakig-alyans sa PFP ang Nationalist Peoples Coalition (NPC).

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.