Wala sang Local Government Unit ukon Local Chief Executive sa Region 6 ang napasakaan sang kaso administratibo angut sa nagapadayon nga clearing operations.
Suno kay DILG Region 6 Director Ariel Iglesia, wala sang non-compliant LGUs sa rehiyon kag nagsunod ang tanan sa amo nga mando samtang ang iban ang nakakuha pa sang mataas nga rating.
Dugang pa ni Iglesia, wala nagtapos ang public roads clearing operation sadtong nag-deadline sang Setyembre tinalikdan nga tuig kundi nagapadayon subong man ang monitoring sang ahensya ilabi na nga may quarterly compliance sila nga dapat isumiter.
Sa karon nagahulat pa ang talatapan ni Iglesia sang bag-o naman nga issuance sang memorandum gikan sa central office angut sa road clearing.
Nahibaluan may pila ka mga LGUs sa Pilipinas ang napasakaan sang kaso bangud wala nag-comply sa amo nga mando. | Aksyon Eden Aboso
