MENU

LALAKI, NADAKPAN SA BUY-BUST OPERATION

  • at 10:16 pm
Share on facebook
Share on pinterest
Share on twitter
Share on print
(Police Station 7 Photo)

Dakop ang 51 anyos nga lalaki sa buy-bust operation sang Police Station 7 sa Maya St. JJ Gonzaga, Barangay Mansilingan, syudad sang Bacolod subong nga gab-i, Sabado.

Suno ka Lt. Michael Tuburan, hepe sang Police Station 7, ginkilala ang nadakpan kay Neil Villafuerte, residente sang nasambit nga lugar, isa ka street level individual.

Ang nadakpan ang ginpaidalum sa surveillance sang kapin isa ka bulan.

Nakuha kay Villafuerte ang duha ka sachet sang suspected shabu nga naga bug-at sang 4 grams kag naga balor sang 27,200 pesos.

Priso ang nadakpan sa custodial facility sang Police Station 7 kag ginapreparar na ang kaso nga ipasaka batuk sa iya.

What’s your Reaction?
+1
0
+1
0
+1
0
+1
0
+1
0
+1
0
+1
0

MASOBRA 600K NGA DROGA NAREKOBER SA DUHA KA ANAY PRESO

May 1, 2024

Balik sa prisohan si Jonel Bonza, 44 anyos pumuloyo sang Deca Homes Subd. Barangay Cabug kag Meliton Litsado, 30 anyos sang Purok Himaya Bangga Ceres Barangay Mansilingan tanan sakop sa syudad sang Bacolod.

Si Bonza ang lima ka tuig napriso sa kaso nga illegal drugs samtang tatlo naman ka tuig napriso si Litsado sa kaparehas nga kaso.

Ang duha ang nadakpan kagab-i, Abril 30 paagi sa buy-bust operation sang Police Station 8 Phase 1 NHA Village Barangay Pahanocoy syudad sang Bacolod.

Narekober kay Bonza kag Litsado ang 97.58 gramo sang shabu may Standard Drug Price nga 663,544.00 pesos.

Suno kay Police Major Eugene Tolentino, hepe sang Police Station 8 ginhimo ni Bonza ang transaksyon sa Barangay Pahanocoy sa pagpati nga indi mamonitor ang ila pagbaligya.

Ginpahayag sang hepe, maka-lima ka beses sa isa ka adlaw kon magbaligya sang druga si Bonza.

What’s your Reaction?
+1
0
+1
0
+1
0
+1
0
+1
0
+1
1
+1
0

MGA DRIVER MAGASUMITER SANG PAATHAG SA LTFRB MATAPOS WALA NAGPA CONSOLIDATE

May 1, 2024

Handa mag comply ang transport sector sang ginapangayo nga paathag sang Land Transportation Franchising and Regulatory Board apang dapat ma sumiter ini nila 15 ka adlaw matapos ila mabaton ang show cause order.

Suno kay Rudy Catedral, presidente sang BACOD-Bacolod, bwas nga adlaw, Mayo 2, liwat magabyahe ang ila mga ka grupo samtang sila ang mapadulong sa LTFRB office sa syudad sang Iloilo para kuhaon ang show cause order.

Dugang pa, kon sila ang pagsawayon bwas nga adlaw sang mga taga Land Transportation Office, sila ang mauntat sa pagbyahe kag liwat magapatigayon sang rally protesta.

Pa-athag ni Catedral, kada driver ang dapat mag sumiter sang paathag kon ngaa wala sila nagpa-consolidate rason nga suno kay Catedral, kaluluoy ang pila ka driver nga wala sang grupo ukon wala nagsulod sa organisasyon.

Sini nga hapon nagpatigayon sila sang programa sa Fountain of Justice kaupod ang tanan nga myembro sang BACOD-Bacolod kag iban pa nga transport group.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.