May 20 na ka mga application ang nabaton para sa pinakauna nga Bacolod Film Festival (BFF) 2024.
Tubtob Mayo 18, 2024 magabaton ang organizing committee sang application.
Ginpahayag ni Councilor Em Ang, author sang BFF ordinance, magapili ang screening committee sang 10 ka mga storyline nga makabaton sang 300 mil pesos nga grant para usaron sa ila nga production.
Suno kay Ang, ang pinakauna nga BFF ang may tema nga ‘stories with a smile’ pero ginklaro nga wala sang limitasyon sa genre sang pelikula nga pwede romance, comedy, horror kag iban pa.
Ang pelikula ang may running time nga 15 minutes ang minimum kag maximum nga 20 minutes lakip na dire ang opening kag closing credits.
Gintalana sa Septiembre ang BFF samtang Setyembre 13 tubtob 15, 2024 ipagwa ang mga pelikula sa mga sinehan.
Si Seymour Sanchez ang nagaserbe nga festival director.
