MENU

TAPASERO, NASAPWAN NGA PATAY SA TOBOSO

  • at 7:31 pm
Share on facebook
Share on pinterest
Share on twitter
Share on print

Nasapwan patay ang isa ka tapasero sa Sitio Toril, Brgy. Bandila, banwa sang Toboso, pasado la 1 sang hapon, Enero 24.

Suno kay Police Captain Rene Boy Eduardo, Deputy Chief of Police sang Toboso PNP, ang biktima ang ginkilala kay Ryan Ondoy, 33 anyos kag residente sang Barangay Malatas, banwa sang Calatrava.

Pagpahayag ni Eduardo, nagpadulong sa Barangay Bandila si Ondoy agud kun tani sugaton ang iya upod sa trabaho.

Natalana nga magpangayaw tapas sa syudad sang Silay ang biktima sang nasapwan siya nga patay.

Si Ondoy ang nakaangkon sang pilas sa ulo apang ginahulat pa sang kapulisan ang resulta sang medico legal examination agud mahibaloan ang rasun sang kamatayon sini.

Ini pa man makumpirmar sang kapulisan nga ang pilas ni Ondoy sa ulo ang tuga sang paglampos sang matig-a nga bagay. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

3K KA MANGINGISDA SA 5TH DISTRICT NAGBATON SANG AYUDA

May 18, 2024

Kapin 3,000 ka mga mangingisda sa kinto distrito sang Negros Occidental ang nakabaton sang P3,000 kada isa, nga “ Ayuda para sa Kapos ang Kita Program” ukon (AKAP) cash aid, halin sa Department of Social Welfare and Development (DSWD).

Suno kay Fifth District Cong. Atty. Dino Yulo, ila ginbasi ang mga benepisyaryo sa listahan sang nakarehistro nga mga fisherfolk associations. 23 ka mga asosasyon ang halin sa Hinigaran, 7 sa Binalbagan kag 24 sa Himamaylan.

Dugang pa ni Yulo, ini ang una nga tion nga nahatagan sang ayuda ang mga mangingisda sa ila distrito, bangud kalakip man ang mga ini sa mga apektado sang el niño phenomenon.

Gindesinyo ang AKAP para sa mga “near poor” segment, lakip ang minimum wage earners. Ang pagpanagtag sang ayuda ang ginpatigayon sang disbursing officer s sang DSWD.

What’s your Reaction?
+1
0
+1
0
+1
0
+1
0
+1
0
+1
0
+1
0

BTAO HEAD: TRAFFIC ENFORCERS PLANO NGA HIMUON NGA REGULAR NGA MGA EMPLEYADO

May 18, 2024

Ginpahayag ni BTAO Head Patrick Lacson nga gina plano ni Mayor Albee Benitez nga himuon nga mga regular employee sang syudad ang mga traffic enforcers kag pasakaan ang ila gina baton nga sweldo.

Nagalaom si Lacson nga matigayon ang gin palayag sa iya ni Benitez bangod aminado man si Lacson nga indi makasustiner ang 10-mil ka pesos nga gina baton nga sweldo sang mga traffic enforcers.

Ginaduso man ni Lacson kay Benitez nga hatagan sang libre nga vitamins ang mga traffic enforcers bilang bulig sa ila ikaayong lawas sini nga tuman ka init sang panahon pinaagi sa komitiba ni Councilor Claudio Jesus Puentevella.

95 porsyento sang mga traffic enforces ang lunsay mga JO ukon Job Order Employee.

Sa karon, suno kay Lacson gin hambalan na sya ni Benitez nga makig-angut na kay Atty. Carlos Ting sang City Legal Office kag sa opisina sang City Administrator agud tun-an kun papaano mapangitaan sang pondo nga idugang sa sweldo sang mga taga BTAO.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.