6/55 July 29, 2023
03-24-19-01-17-11
29,700,000.00
6/42 July 29, 2023
21-13-08-28-12-41
9,965,962.00
Narekober ang masobra 2 milyones pesos nga balor sang shabu sa mag live-in partner sa joint drug buy-bust operation sang Regional Police drug Enforcement, PDEA-Regional Special Enforcement Team kag Bacolod City Police Station 8 sa isa ka subdivision sa Barangay Tangub, Bacolod Hwebes sang hapon, Mayo 16.
Ginkilala ang nadakpan nga sanday Richard Monton, 42 anyos, residente sang Villa Esperanza,Brgy Tangub Bacolod City, Jenimar Garcia alias “Inday”, residente sang Prk Kaingin, Brgy. Singcang Airport, sang nasambit nga syudad.
Suno sa RPDEU team leader nga si Police Captain, Ryan Christ Inot, si Monton kag Garcia ang Top 8 sa PNP kag PDEA Provincial Target list kag ginakabig nga HVI.
Palayag ni Inot , duha na ka bulan nga namonitor ang mga nagkaladakpan sa diin nahibaluan nga si Monton mismo ang naga deliver kag ang nagabaligya sang shabu.
Ang nakumpiskar nga shabu nagabug-at sang 420 gramo kag may kabug-usan nga balor nga Php 2,856,000.00.
Dugang pa, si Monton ang nakaagi na priso bangud man nadakpan sa pagbaligya sang ilegal nga droga.
Si Monton kag Garcia priso sa karon sa jail facility sang police station 8.
14,598 na ka mga kasapatan sa Negros Occidental ang nagkalamatay sa kainiton tuga sang el niño phenomenon.
Sa datos nga ginsumiter ni Provincial Veterinarian Dr. Placeda Lemana kay Governor Bong Lacson tubtub Mayo 10, 2024, pinakadamu nga nagkalamatay ang naghalin sa poultry nga may 13,664, baboy 583, kanding kag karnero 278, samtang ang iban amo ang karabaw, baka, kag rabbit.
Ini ang nagabalor sang P13.7 million pesos kag nag-apekto sa 1,139 ka mga raisers sa 24 ka mga local government units. 183.15 hektarya ang pasture damage ukon mga hilamon nga ginaharaban sang mga kasapatan, samtang P2.6 million ang kabug-usan nga kahalitan sa livestock kag pasture area.
Pinakamalapad nga nahalitan amo ang 100 ka hektraya sa Hinigaran kag 55 hektarya sa Murcia.
