6/58 Ultra LottoMarch 10, 2024
Winning Combination40-50-42-53-08-03
Jackpot PrizePhp 49,500,000.00
Number of Winner(s)0
6/49 Super LottoMarch 10, 2024
Winning Combination05-42-26-21-45-31
Jackpot PrizePhp 43,446,295.80
Number of Winner(s)0
Ginpahayag ni City Administrator Dr. Lucille Gelvolea nga wala sang financial assistance nga ihatag ang Bacolod LGU sa mga tricycle drivers sang ARVISTODA.
Ang amo nga toda ang una nagreklamo bangud apektado ang ila palangabuhian sa libre sakay sang electric jeep umpisa las 9 sang aga tubtob las 4 sang hapon base sa ginkasugtan.
Ang 90 ka mga tricycle sang Toda ang padayon nga maka byahe samtang nagapadayon man ang dry run sang e-jeep.
Samtang, ginpahayag ni Councilor Al Victor Espino, chair sang committee on transportation, nga nakahatag na ini sang ayuda sa mga tricycle drivers kag ini ang ginpaagi sa mga opisyales sang toda.
Wala na ginpalayag ni Espino ang kantidad para malikawan ang isyu nga pamulitika.
Sang Myerkules sang nagtanyag si Espino sang ayuda pero wala ini ginbaton sang mga tricycle driver.
Wala na sang extension ang dry run sang electric jeep sa Progreso Village Relocation Site sa Barangay Vista Alegre.
Ginpahayag ni City Administrator Dr. Lucille Gelvolea, Hwebes, nadayon na ang dry run sang Hwebes pero tubtob lamang sa Mayo 19 kag wala na sang extension.
Maga umpisa kuntane ang dry run sang apat ka e-jeep sa amo nga lugar sang Myerkules pero wala madayon matapos balabagan sang mga triycle drivers.
Suno kay Gelvolea, indi sila pwede kapalawig bangud lima lamang ka adlaw nga dry run ang gintugot sang LTFRB VI.
Ginpaathag ni Gelvolea, importante ang dry run para mahibaluan ang problema kag ginatan-awnga malain na ang sitwasyon sa lugar pagkatapos sang duha tubtob lima ka tuig.
Suno kay Gelvolea, wala sila sang may nabaton nga reklamo sa pag umpisa sang dry run halin sa relocation site tubtob sa Burgos Public Market.
Sa amo nga rota 25 pesos ang plete sang pasahero.
Myerkules sang hapon sang nagdayalogo si Mayor Albee Benitez kaupod ang mga opisyales sang toda kag ginapa intiende ang tinutuyo sang lima ka adlaw nga dry run sa green lane.
Nagapabilin nga on hold naman ang dry run sang e-jeep sa Barangay Cabug.
