Natalana nga i-deactivate sang Election Registration Board ukon ERB ang masobra 24 mil ka mga botante sa syudad sang Bacolod.
Suno kay Bacolod Election Officer Atty. Kathrina Trinio-Caña, ini nga mga botante ang napaslawan nga mag boto sa duha ka sunod-sunod nga eleksyon.
May mga botante man nga kakason sa listahan bangud nagtaliwan na ukon nagsaylo sang ila registration.
Nagapadala man ang ERB sang notisya sa mga botante nga i-deactivate ang ila registration.
Ginpahayag ni Trinio-Caña, ang mga botante nga ma deactivate, ang pwede maka file para sa reactivation para liwat nga mangin botante sang Bacolod.
Samtang, wala pa sang may nabaton nga oposisyon ang Comelec sa mga nagparehistro.
Ginklaro man ni Trinio-Caña, nga magapadayon ang registration sa Lunes, Abril 15, samtang nagapadayon ang ERB Hearing.
