MENU

ANUM KA TEAMS HALIN SA NEPC MAGABULIG SA CENECO

  • at 8:40 pm
Share on facebook
Share on pinterest
Share on twitter
Share on print

Ginkumpirmar ni CENECO General Manager Atty. Arnel Lapore nga may yara gid man sang anum ka mga teams gikan sa Negros Electric Power Corporation ukon NEPC nga maga abot sa syudad sang Bacolod para magbulig sa ila maintenance work kag response team sa tion nga may yara sang magluntad nga unscheduled power interruption ukon brownout.

Suno kay Lapore, ini nga mga personnel ang gina paabot nga maga umpisa sang ila trabaho sa palaabuton nga Mayo 15.

Dugang pa ni Lapore magluwas sa maintenance crew, maga hatag man sang naga kaigo nga logistics ang NEPC para sa amo nga operasyon.

Ini nga programa suno pa sa opisyal ang kabahin na sang gina duso nga Joint Venture Agreement sa tunga sang kooperatiba kag amo nga kumbuyahan.

What’s your Reaction?
+1
0
+1
0
+1
0
+1
0
+1
0
+1
0
+1
0

TATLO KA PULIS GINAIMBESTIGAHAN BANGUD SA ILLEGAL GAMBLING

May 17, 2024

Ginpahayag ni PRO 6 Regional Director PBGen. Jack Wanky nga tatlo ka mga PNCO ang posible mapasakaan sang kaso administratibo kag mahimo makakas serbisyo bangod sa ginaalegar imbolbado sa ilegal nga panahor.

Suno kay Wanky, duha ka mga PNCO gikan sa Bacolod City Police Office samtang isa man sa Aklan Provincial Police Office ang ginapaidalum karon sa imbestigasyon bangod sa proteksyon sa illegal gambling.

Ginpahanumdum man ni Wanky, ang “one strike policy” para sa mga hepe sang kapulisan nga mahimo makakas sa pwesto kag pasakaan kasokun mapamatud-an nga nagabaton ini sang “payola” gikan sa illegal gambling activity sa iya nasakupan.

Hungod nga wala ginhingadlan ni Wanky ang tatlo ka mga PNCO samtang nagapadayon pa ang imbestigasyon.


Biernes, Mayo 17 sang Ginabi-abi ni NOCPPO Provincial Director PCol. Rainero De Chavez ang pag-abot ni Wanky sa Nocppo para sa iya una kag pormal nga “Command Visit” kag “Talk to Men” sa mga PNP Personnel.


Ang Command Visit ni Wanky, gintambungan sang tanan nga mga opisyal kag hepe sang tagsa ka mga banwa kag syudad sa probinsya.

What’s your Reaction?
+1
0
+1
0
+1
0
+1
0
+1
0
+1
0
+1
0

PAGKWESTYON SANG AMLIG TUBIG SA KONTRATA SA BOCAL-BOCAL SPRING PAGATUN-AN PA NI COUNCILOR PUENTEVELLA

May 17, 2024

Pagatun-an pa ni Councilor Claudio Jesus Puentevella ang sulat sang Amlig Tubig nga naga kwestyon sa transaksyon sa tunga sang Baciwa-Primewater kag Home Invest Holdings Inc. para sa Bocal-Bocal Spring.

Suno kay Puentevella, chair sang committee on energy and public utilities, wala pa niya opisyal nga nabaton ang sulat sang Amlig Tubig pero nakita na niya ini sa social media.

Ginpahayag ni Puentevella, iya tun-an ang kon may merito ang sulat sang amlig tubig nga nagapangabay sang pagpangusisa.

Pero suno sa Konsehal, iya man tun-an kon matandog sini ang transaksyon sa tunga sang duha ka pribado nga mga kompaniya ilabi na nga cover lamang sang iya komitiba ang public utilities.

Base sa sulat, luyag sang Amlig Tubig nga mausisa ang posibilidad nga may conflict of interest sa Home Invest Holdings Inc ilabi na nga miembro sang konseho si Gonzales kag ginalegar konektado sa kompaniya.

Nagapati ang Amlig Tubig nga ini nga isyu ang isa ka public interest.

Nagligad nga Mayo 14, ginpahayag ni Gonzales nga nagapati ini nga wala sang conflict of interest sa kontrata kag bukas sa ano man nga pagpangusisa.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.