MENU

BACOLOD LGU PLANO NGA MAG ACCREDIT SANG BOTIKA PARA KUHAAN SANG LIBRE NGA BULONG

  • at 7:04 pm
Share on facebook
Share on pinterest
Share on twitter
Share on print

Ginatrabaho karon sang Bacolod LGU ang pag accredit sang interesado nga mga botika para kuhaan sang bulong sang mga nagakinahanglan.

Ginpahayag ni Engr. Mae Cuaycong, special assistant to the mayor, tuyo sang sini nga programa nga bulong ang ihatag sa mga nagapangabay sang sa kwarta.

Ginpaathag ni Cuaycong, prone ang LGU sa pag aboso bangud pwede nga makabalik-balik pangayo sang bulig kag paagi sa sini nga programa masiguro nga sa bulong guid makadto ang ayuda.

Wala pa karon sang datus kon pila ka mga botika ang magasulod sa memorandum of agreement kaupod ang LGU.

Suno kay Cuaycong, may isa na ka pribado nga hospital ang nagpabutyag sang interes sa sini nga programa.

Sa Bayad Agad Program, yara sa 1,500 pesos ang ginahatag sa mga nagapangayo sang bulong nga may nagakaigo nga resita ukon dokumento kag sarang liwat makapangayo sang bulig pagkatapos na sang tatlo ka bulan.

What’s your Reaction?
+1
0
+1
0
+1
0
+1
0
+1
0
+1
0
+1
0

DUGANG NGA 10M IPAIN PARA SA BAYAD AGAD PROGRAM

May 17, 2024

Magadugang ang Bacolod LGU sang 10 milyones pesos para mapadayon ang Bayad Agad Program.

Ginpahayag ni Alma Gustilo, officer-in-charge sang Department of Social Services and Development (DSSD), ginapaabot nga sa masunod nga semana maubos na ang tunga sa milyon nga nabilin.

Una nga nagpain sang 10 milyones pesos ang LGU sa pagpatuman sang sini nga programa sa tuyo nga ma release gilayon ang ayuda sa mga nagakinahanglan.

Suno kay Gustilo, temporaryo nga gin untat ang educational assistance sa Bayad Agad program bangud magabalay sila sang guidelines sa kahangawa nga magadagsa ang magapangayo sang bulig.
Samtang, padayon nga gina usisa sang DSSD ang ginalegar peke nga resita nga gina isyu sang isa lamang ka doktor nga ginausar sang pila ka aplikante para makapangayo sang ayuda.

What’s your Reaction?
+1
0
+1
0
+1
0
+1
0
+1
0
+1
0
+1
0

FAMILIARAN, PABOR SA STATUS QUO SA PUVMP

May 17, 2024

Pabor si Bacolod Vice Mayor El Cid Familiaran sang status quo tubtob nga ma solbar ang mga isyu nga ginapalambot sang mga transport group angut sa PUV Modernization Program.

Nagligad nga Martes, May 14, Si Familiaran ang nagsapol kay anay LTFRB Regional Director Richard Osmeña nga karon yara na sa nasyunal.

Sa amo nga pagsinapol, natabuan nga yara ang Cebu People’s Multipurpose Cooperative kag ang grupo ni Lilian Sembrano nga KNETCO-PISTON-NPTC nga nagpalambot sang ila mga concern sa programa sang gobyerno nasyunal.

Suno kay Familiaran, pabor siya sa status quo tubtob nga ma solbar ang mga isyu kag dapat may yara sang win-win solution ilabi na nga gina istoryahan dire ang palangabuhian sang iban nga tawo.

Para sa Bise-Alkalde, may yara sang ‘wisdom’ ang reklamo sang mga transport group kag dapat magpatunga dire ang gobyerno.

Suno kay Familiaran, lakip sa mga reklamo amo ang ginalegar wala sang assembly kag financial statement ang kooperatiba, ang pagwa sang iban nga brand sang modernized jeep nga mas barato ikomparar sa ginaduso sang Department of Transportation, kag ang pwede man lang maka individual sang sa nga magsulod sa korporasyon ukon kooperatiba.

Sa impormasyon ni Familiaran, may yara sang hearing ang kongreso sa pagpamuno ni Congressman Romeo Acop bilang chair sang Transportation nga komitiba. | VM Familiaran Photo/ FB

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.