MENU

DOLE KAG DSWD REGION 6 MAGAHATAG BULIG SA MGA APEKTADO SANG EL NIÑO SA WESTERN VISAYAS

  • at 7:56 pm
Share on facebook
Share on pinterest
Share on twitter
Share on print

Nag-isa ang Department of Social Welfare and Development (DSWD) kag Department of Labor and Employment (DOLE) Field Office VI, agud buligan ang mga pamilya nga apektado sang El Niño sa Western Visayas.

Ini paagi sa Project Local Adaptation to Water Access (LAWA) kag Breaking Insufficiency through Nutritious Harvest for the Impoverished (BINHI).

Ang partnership ginpatigayon sa initial meeting sang DSWD kag DOLE Region 6. Sa idalom sang amo nga programa, ang DOLE paagi sa Tulong Panghanapbuhay sa Ating Disadvantaged/Displaced Workers (TUPAD) Program, ang magapain sang P159.3 milyones pesos agud pondohan ang dugang nga 16,600 ka partner beneficiaries sa implementasyon sang Project LAWA kag BINHI.

Ang 16,600 ka mga partner beneficiaries ang hatagan sang nagakaigo nga resources sang DOLE, kag trabaho sa sulod sang 20 ka adlaw paagi sa Cash-for Work.

Samtang ang DSWD ang magahatag naman sang technical assistance sa project implementation.

What’s your Reaction?
+1
0
+1
0
+1
0
+1
0
+1
0
+1
0
+1
0

ANAY CALL CENTER AGENT, DAKOP SA DRUG BUST OPERATION

May 19, 2024

Priso sa custodial facility sang BCPO Police Station 4 ang anay call center agent matapos madakpan sa drug buy-bust operation Purok Malinong, Barangay Taculing, syudad sang Bacolod, las 12:45 sang udto, Mayo 19, 2024.

Ang nadakpan gingilala kay Rannier Sian, 38 anyos, residente sang residente sang East Homes 3 Barangay Estefania.

Suno kay PCapt. Francis Depasucat, hepe sang Police Station 4, si Sian ang nalista bilang Street Level Individual kag madugay na ginareklamo sang mga pumuloyo matapos ginapausar sini ang ginaarkilahan nga balay para sa iya mga customer bilang suluyupan.

Narekober kay Sian ang pito ka gramo sang ginasuspetsuhan shabu nga may standard drug price 47, 600.00.

Ginpahayag man ni Depasucat nga si Sian ang magapangatubang sang kaso nga paglapas sang Section 5 kag 11 sang RA 9165 ukon pagbaligya kag paghupot sang ilegal nga druga.

What’s your Reaction?
+1
0
+1
0
+1
0
+1
0
+1
0
+1
0
+1
0

CONG YULO, NAGAPATI NGA NAPASULOD NA SA ‘FINAL ENROLLED FORM’ ANG NIR BILL

May 18, 2024

Nagapati si Fifth District Cong. Dino Yulo nga napasulod na sa “final enrolled form” sa Malakanyang ang Negros Island Region Bill.

Suno kay Yulo nga kun ini ang natigayon, may tatlo ka mga pwede nga himuon si Presidente Bongbong Marcos Jr. sa hagna.

Una amo ang pagpirma sa sulod sang 30 ka adlaw bilang kasuguan, ang pag-veto, ukon tugutan nga mangin isa ka kasuguan kun indi sa gihapon mapirmahan pagkatapos ang 30 diyas.

Marso 12, 2024 pinal nga ginpasar sang senado ang Senate Bill No. 2507 ukon NIR Bill kag Abril 8 sang gin-anunsiyo sang presidente ang iya intensyon nga pagpirma sa amo nga hagna.

Ini ang nagatukod sa Negros Occidental, Negros Oriental kag Siquijor bilang isa ka administrative region.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.