MENU

DUHA KA PERSONA NAKUHAAN SANG 90K NGA BALOR SANG SHABU

  • at 5:59 pm
Share on facebook
Share on pinterest
Share on twitter
Share on print

Naglambot sa 90,000 pesos nga balor sang ginasuspetsuhan shabu ang narecover sa duha ka persona nga yara sa drug watchlist sa buybust operation sang Silay PNP las 2:15 sang hapon Enero 6 sa Bonbon Newsite, Barangay E. Lopez syudsd sang Silay.

Ang nagkaladakpan ang ginkilala sa ila nanday Ceasar Parreño, 62 anyos kag Ma. Shella Opao, 41 anyos.

Nakuha sa naglaladakpan ang 8 ka heat sealed transparent plastic sachets tanan ginasuspetsuhan shabu kag iban pa nga drug paraphernalias.

Priso karon sa custodial facility sang Silay PNP sanday Parreño kag Opao para sa nagakaigo nga disposisyon. | Aksyon Eden Aboso

What’s your Reaction?
+1
0
+1
0
+1
0
+1
0
+1
0
+1
0
+1
0

PAGPAKIG ALYANSA SA PFP, GINATUN-AN NI MAYOR ALBEE

May 20, 2024

Ginatun-an ni Bacolod City Mayor Albee Benitez ang plano nga pagpakig-alyansa sa Partido Federal ng Pilipinas (PFP) nga ginapamunuan ni Presidente Bongbong Marcos Jr.

Suno kay Benitez, iya pa nga ginahulat ang pag-aprubar sang Commission on Election sa accredidation sang iya gintukod nga Kilusan ng Nagkakaisang Pilipino (KNP) sa diin siya ang nagaserbe bilang party president.

Basi sa Omnibus Election Code , ang isa ka political party ang dapat nga magparehistro sa Commission agud makakuha sang juridical personality, ma-qualify sa subsequent accreditation, kag makakuha sang kinamatarung kag prebilihiyo nga ginahatag sa mga political parties.

Nagapati ang alkalde nga ang pagpakig-alyans sang PFP sa mga national political parties ang kabahin sa pagpabakod sang amo nga partido , pareho man sang Uniteam Alliance nga gintukod agud suportahan ang kandidatura ni Marcos bilang presidente sang 2022 nga eleksyon.

Ulihi nga nakig-alyans sa PFP ang Nationalist Peoples Coalition (NPC).

What’s your Reaction?
+1
0
+1
0
+1
0
+1
0
+1
0
+1
0
+1
1

MGA LGU SA NEGROS OCCIDENTAL GINPANGABAY NGA MAG-USAR SANG SOLAR ROOF

May 20, 2024

Nagpangabay si Governor Eugenio Jose Lacson sa mga Local Government Unit nga mag usar sang solar roof sa mga building sang gobyerno.

Ini kadungan sa pagsaulog sang renewable energy week nga nag umpisa sang Lunes, Mayo 20 kag magalawig tubtob Mayo 24, 2024.

Ang aktibidad ang base sa Executive Order 04-09 nga gin isyu ni Lacson nga naga deklarar sang kada ikatatlo nga semana sang bulan sang Mayo bilang Renewable Energy Week sa Negros Occidental.

Ginpahayag ni Lacson, may madamo nga exhibitors nga nagpasakop sa kahiwatan nga makatanyag sang ila mga produkto para mangin solar na ang mga building sang gobyerno.

Suno sa Gobernador, sa bahin sang kapitolyo probinsyal, target nga mapaidalum sa bidding ang proyekto nga pag usar sang solar energy sang probinsya sa 3rd quarter sang tuig.

Suno kay Lacson, paagi sa pag usar sang renewable energy, makabulig ini para maghagan-hagan ang epekto sang climate change, magluwas nga makakinot pa.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.