MENU

GRANDSTAND SANG PANAAD INDI PAG USARON SA PANAAD FESTIVAL

  • at 6:37 pm
Share on facebook
Share on pinterest
Share on twitter
Share on print

Temporaryo nga pagasirad-an ang grandstand sang Panaad Park and Stadium sa Barangay Mansilingan syudad sang Bacolod kag indi pagamiton sa Panaad sa Negros Festival sa bulan sang Abril.

Ini ang gin anunsiyo ni Negros Occidental Gobernador Eugenio Jose Lacson, sa una nga flag raising ceremony sa Social Hall sang kapitolyo probinsiyal.

Suno kay Lacson, kabahin ini sa major renovation nga patigayunon sa Panaad bilang preparasyon sa paghost sang probinsiya sa 2021 Palarong Pambansa.

Apang ginklaro ni Lacson nga magapadayon sa gihapon ang mga aktibidad sa Panaad Festival nga patigayunon sa mga lugar nga wala madala sang renovation.

Dugang pa sang gobernador, indi man maapektohan ang operasyon sang booths kag pavillon sang mga local government units. Si Lacson ang natalana nga magapatawag sang sinapol agod hambalan ang petsa sa pag umpisa sang Panaad Festival. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

PAGPAKIG ALYANSA SA PFP, GINATUN-AN NI MAYOR ALBEE

May 20, 2024

Ginatun-an ni Bacolod City Mayor Albee Benitez ang plano nga pagpakig-alyansa sa Partido Federal ng Pilipinas (PFP) nga ginapamunuan ni Presidente Bongbong Marcos Jr.

Suno kay Benitez, iya pa nga ginahulat ang pag-aprubar sang Commission on Election sa accredidation sang iya gintukod nga Kilusan ng Nagkakaisang Pilipino (KNP) sa diin siya ang nagaserbe bilang party president.

Basi sa Omnibus Election Code , ang isa ka political party ang dapat nga magparehistro sa Commission agud makakuha sang juridical personality, ma-qualify sa subsequent accreditation, kag makakuha sang kinamatarung kag prebilihiyo nga ginahatag sa mga political parties.

Nagapati ang alkalde nga ang pagpakig-alyans sang PFP sa mga national political parties ang kabahin sa pagpabakod sang amo nga partido , pareho man sang Uniteam Alliance nga gintukod agud suportahan ang kandidatura ni Marcos bilang presidente sang 2022 nga eleksyon.

Ulihi nga nakig-alyans sa PFP ang Nationalist Peoples Coalition (NPC).

What’s your Reaction?
+1
0
+1
0
+1
0
+1
0
+1
0
+1
0
+1
1

ALBEE: DRY RUN SANG E-JEEP SA VISTA ALEGRE NANGIN MADINALAG-ON

May 20, 2024

Ginakabig Mayor Albee Benitez nga madinalag-on ang dry run para sa green route sang electric jeep (e-jeep) sa Brgy. Vista Alegre syudad sang Bacolod.

Suno kay Benitez, madamo sang mga nagsakay nga pasahero halin sa relocation site sa arao pakadto sa Burgos.

Dugang sang alkalde, iya pa ginahulat ang opisyal nga report may kaangtanan sa sitwasyon sa biyahe sang mga trisikol drivers kag isa ka unit sang modernized jeep nga nagabiyahe man sa amo nga lugar.

Nagapati si Benitez nga daku ang posibilidad nga matukuran sang terminal ang amo nga lugar agud mapanubo ang plete sang mga pasahero.

Sa bahin sang green route, ginsiling sang alkalde nga may mga operators na ang nagpahayag sang interest sa pag-invest sa e-jeep nga amo sa ulihi ang pagahatagan sang prangkisa.

Sa karon ginatun-an pa sang syudad ang pagpatigayon man sang dry run sa Brgy. Cabug syudad sang Bacolod.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.