MENU

HVI NAKUHAAN SANG 340K NGA DROGA SA SAN CARLOS CITY

  • at 8:03 pm
Share on facebook
Share on pinterest
Share on twitter
Share on print

Naglab-ot sa 340,000 nga balor sang ginasuspetsuhan shabu ang narekober sa buybust operation sa San Juan Tunga Brgy. 5, San Carlos City, Neg. Occ. las 2:54 sang kaagahon, Disyembre 6.

Ang suspek ginkilala kay Joseph Pasigay 45 anyos kag ginakabig nga High Value Individual (HVI), Top 5 sa watch list sang kapulisan kag miembro sang Virtucio Drug Gang kag Bacus and Macadatu Sub group.

Nakuha kay Pasigay ang 41 ka heat sealed transparent plastic sachet sang suspected shabu, isa ka coin purse, duha ka empty plastic sachet nga may traces sang shabu, isa ka disposable lighter kag buybust money nga nagabalor P1,100.

Ginabulubanta 50 gramo sang shabu ang na-rekober nga may estimated value nga P340,000.

Si Pasigay ang preso karun sa custodial facility sang San Carlos City Police Station.

What’s your Reaction?
+1
0
+1
0
+1
0
+1
0
+1
1
+1
0
+1
0

PULIS GINAPANGITA ANG NAKALALIS SANG TRICYCLE DRIVER NGA GINTIRO PATAY SA CABUG

April 26, 2024

Ginapangita sang Police Station 9 ang isa ka persona nga nakalalis sang trisikol driver antis siya gintiro sa Deca Homes South Barangay Cabug, syudad sang Bacolod sang Hwebes sang hapon, Abril 25.

Patay ang trisikol driver nga si Teresito Gepelga matapos gintiro sa ulo sang wala pa mahibaloan nga calibre sang armas luthang.

Suno kay Police Capt. Michael Tuburan, hepe sang Police Station 9, indi pa nila makonsiderar nga person of interest tubtub nga indi nila ini ma-estorya.

Nagpanugiron ang amigo sang biktima sa kapulisan nga ginsukmaan sang isa ka persona si Gepelga sa iya pagbyahe asta nga iya ini ginsunod sa bag-ong dalan tatlo na ka semana ang nakaligad.

Suno kay Tuburan, wala rehistro kag serbe nga colorum ang ginabyahe nga trisikol ni Gepelga.

What’s your Reaction?
+1
1
+1
0
+1
0
+1
0
+1
0
+1
0
+1
0

BATA, PATAY SANG MALUMOS SA BAYBAY SA PONTEVEDRA

April 26, 2024

Patay ang 12 anyos nga bata nga lalaki matapos nalumos sa baybay sa Reclamation Area, Barangay 1 Poblacion, banwa sang Pontevedra, Negros Occidental, las-2:55 sang hapon, Miyerkules, Abril 24, 2024.

Base sa report sang Pontevedra Municipal Police Station, naghagaday ang biktima kag mga abyan sini nga mga menor-de-edad agud magpaligo.

Samtang nagapaligo, nakit-an nalang sang duha ka menor nga nagapangayo na sang bulig ang biktima nga nalumos , apang wala nasalbar bangud mabaskog ang sulog sang tubig rason nga nagpangayo sang bulig ang duha ka menor sa mga bystanders, apang wala na nakitaang biktima.

Nakit-an ang biktima nga nagalutaw na sa tubig mga la-1 sang kaagahon, Abril 25 matapos nagpatigayon sang retrieval operation ang Municipal Disaster and Risk Reduction Management Office.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.