MENU

IKADUHA NGA BACOLOD CHICKEN INASAL FESTIVAL PATIGAYUNON SA MAYO 25

  • at 9:59 pm
Share on facebook
Share on pinterest
Share on twitter
Share on print

Maga patigayon ang syudad sang Bacolod sang ikaduha nga Bacolod Chicken Inasal Festival sa maabot nga Mayo 25.

Suno kay Bacolod City Councilor Cindy Rojas, chairman sang kahiwatan, patigayunon ang festival humalin sa replica sang Bacolod Government Center sa plaza pakadto sa Lopue’s San Sebastian.

Suno kay Rojas, magalaba sang 300 metros ang pag asal sang masobra 3 mil ka mga manok kag may yara na sang dala nga kan-on.

Kapin 25 na ka mga establishmento sa Manokan Country ang nag komiter nga maga pakigbahin sa festival.

Lakip sa mga bag-o nga aktibidad nga patigayunon sa kahiwatan amo ang sawsawan contest, chicken fantasy costume competition kag iban pa.

Subong nga tuig, maga imbitar ang syudad sang pila ka mga senior citizen nga amo ang mangin beneficiary sang mga manok.

Ang kahiwatan ang na tukod paagi sa isa ka ordinansa kag ang syudad ang maga alokar sang 2 milyones nga pondo para sa kahiwatan.

Pero suno kay Rojas posible indi man ma ubos ang pondo.

| Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

CENECO MAGAPASAKA SANG P3.2066 kWh NGA POWER RATE SA MAYO 2024

May 16, 2024

Magalambot na sa masobra 15 pesos sa kada kilowatt hour ang residential rate sang Central Negros Electric Cooperative (CENECO) sa bulan sang Mayo.

Nagsaka ini sang P3.2066 sa kada kilowatt hour kun ikumparar sa presyo sang kuryente sa nakaligad nga bulan nga yara lamang sa P11.9566 sa kada kilowatt hour.

Sa advisory, ginpahayag nga isa sa may dako nga epekto sa rate adjustment ang Generation Charges nga naglambot sa 31.96 porsyento nga nagtuga naman sa pagsaka sang Wholesale Electricity Spot Market (WESM) price nga halin sa masobra 8 pesos karun yara na sa masobra P12 pesos.

Ang generation charge amo ang balaydan sa paghimo ukon pagproduce sang kuryente.

Kun basihan naman ang rate breakdown para sa bulan sang Mayo 2024, ang P15.1632 sa kada kilowatt hour ang ginabug-usan sang generation charges nga yara sa P10.5515, transmission charges nga ginasukot sang National Grid Corporation of the Philippines (NGCP) nga yara sa masobra 50 sentimos, systems lost nga gikan sa mga technical kag non-technical concern sang power supplier nga masobra piso, government charges nga halin sa mga Incremental Currency Exchange Rate Adjustment (ICERA) kaangay sang refund, mga senior citizens discounts kag value added tax nga yara sa P1.6365 kag distribution charge sang CENECO nga nagalambot sang P1.1866.

What’s your Reaction?
+1
0
+1
0
+1
0
+1
1
+1
0
+1
0
+1
0

2.8M NGA DROGA NAREKOBER SA MAG LIVE-IN PARTNER

May 16, 2024

Narekober ang masobra 2 milyones pesos nga balor sang shabu sa mag live-in partner sa joint drug buy-bust operation sang Regional Police drug Enforcement, PDEA-Regional Special Enforcement Team kag Bacolod City Police Station 8 sa isa ka subdivision sa Barangay Tangub, Bacolod Hwebes sang hapon, Mayo 16.

Ginkilala ang nadakpan nga sanday Richard Monton, 42 anyos, residente sang Villa Esperanza,Brgy Tangub Bacolod City, Jenimar Garcia alias “Inday”, residente sang Prk Kaingin, Brgy. Singcang Airport, sang nasambit nga syudad.

Suno sa RPDEU team leader nga si Police Captain, Ryan Christ Inot, si Monton kag Garcia ang Top 8 sa PNP kag PDEA Provincial Target list kag ginakabig nga HVI.

Palayag ni Inot , duha na ka bulan nga namonitor ang mga nagkaladakpan sa diin nahibaluan nga si Monton mismo ang naga deliver kag ang nagabaligya sang shabu.

Ang nakumpiskar nga shabu nagabug-at sang 420 gramo kag may kabug-usan nga balor nga Php 2,856,000.00.

Dugang pa, si Monton ang nakaagi na priso bangud man nadakpan sa pagbaligya sang ilegal nga droga.

Si Monton kag Garcia priso sa karon sa jail facility sang police station 8.

What’s your Reaction?
+1
1
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.