Nagapabilin sa custodial facility sang Police Station 4 si Jason Vargas, 18 anyos soltero pumuloyo sang Bangga Ceres Barangay Mansilingan, syudad sang Bacolod.
Si Vargas ang ginpasakaan sang kaso paglapas sang City Ordinance 08-14-679 ukon Anti-Vandalism Ordinance sang Bacolod City.
Suno kay Police Capt. Francis Depasucat, hepe sang Police Station 4, Mayo 1 sang kaagahon sang madakpan sa akto si Vargas nga naga-spray sa pader malapit sa Villamonte Barangay Hall gamit ang improvised plastic container nga may unod sang pinta.
Si Vargas ang ika-lima nga persona napasakaan sang kaso paglapas sang Anti-Vandalism Ordnance wala labot sang tatlo ka minor de edad nga una nadakpan sang Police Station 10.