JAOJOCO LIWAT MAGAPAPILI KONSEHAL SA TOBOSO SA 2025

Share on facebook
Share on pinterest
Share on twitter
Share on print

Plano ni Toboso Municipal Councilor Richard Jaojoco nga magpapili liwat bilang konsehal sang banwa sa 2025 nga eleksyon.

Ini ang ginpahayag ni Jaojoco, matapos magwa ang iya ngalan nga posible mangin kandidato sang Partido Demokratiko Pilipino (PDP) bilang bise gobernador sang Negros Occidental.

Suno sa konsehal, madamo pa sila sang dapat tapuson nga mga proyekto sang iya asawa nga si incumbent Toboso Mayor Madonnah Jaojoco.

Dugang pa ni Jaojoco, liwat nga magapapili alkalde ang iya asawa tandem sa gihapon sa incumbent Municipal Vice Mayor nga si Maling dela Cruz.

Si Jaojoco nga nangin alkalde man sang Toboso antis nag number one councilor, amo ang ginaplanuhan sang PDP nga mangin kandidato sa pagka bise gobernador sang Negros Occidental, tandem kay anay Victorias City Mayor Wantan Palanca.

What’s your Reaction?
+1
0
+1
0
+1
0
+1
0
+1
0
+1
0
+1
0

DA 6: POSIBLE NA MAGPATIGAYON SANG CLOUD SEEDING SA NEGROS OCCIDENTAL

Posible na ang pagpatigayon sang cloud seeding operations sa Negros Occidental.

Ini ang ginpahayag ni Department of Agirculture Assistant Regional Director Engr. Jose Albert Barrogo.

Sa phone patch interview, Myerkules, ginpahayag ni Barrogo, nga may nakit-an na nga seedable clouds sa probinsya rason nga posible na ang pagpatigayon sang cloud seeding.

Isa sa ginatan-aw ni Barrogo nga hangkat amo ang pondo sa cloud seeding nga magalambot sa 6 milyones pesos.

Suno kay Barrogo, nagpadulong si Regional Director Dennis Arpia sa Manila para magpangabay sang pondo sa office of the secretary sang DA.

Ginklaro ni Barrogo, nga sakop sang sini nga cloud seeding ang bug-os nga Western Visayas.

Ginpahayag ni Barrogo, may mga pag-ulan na nga ma eksperiensyahan pero pila lamang ka minutos pero magapabilin pa sa below normal ang temperatura sa bulan sang Mayo tubtob Hunyo 2024.

What’s your Reaction?
+1
0
+1
0
+1
0
+1
0
+1
0
+1
0
+1
0

SILAY SP NANINDUGAN NGA WALA SANG PAMULITIKA SA WALA PA PAGHATAG SANG RONO SA BULK WATER PROJECT

Nanindugan ang Sangguniang Panlungsod sang syudad sang Silay nga wala sang pamulitika sa isyu nga wala pa sila maka hatag sang resolution of no objection (RONO) sa 1.2 bilyones pesos nga Negros Occidental Bulk Water Project.

Sa phone patch interview, Myerkules, ginbasa ni Silay Vice Mayor Thomas Maynard Ledesma, ang opisyal nga statement sang ila konseho sa sini nga isyu.

Ginpahayag ni Ledesma, nagapangabay pa sang klaripikasyon ang pila ka miembro sang konseho lakip na dire kon ang proyekto ang maka apekto sa mga establisamento kag factories sa Silay nga nagasalig sa suba nga kuhaan sang tubig.

Luyag man maklarohan sang Konseho kon ang proyekto ang maka apekto sa sektor sang agrikultura, ang existing nga application sang Vivant Hydropower Plant sa Kapitan Ramon, ang impact sang proyekto sa environment.

Nasaad man sa statement nga ang proponent ang dapat nga magpangabay sang opinion sang mga eksperto kaangay sang DENR, Department of Agriculture, DRRM sa posible peligro nga madulot sang proyekto.

Luyag man sang Konseho nga mahibaluan ang benepisyo sang sini nga proyekto para sa Silay kag ang financial impact sa bili sang tubig sang Silay City Water District (SiCiWa)

Gin ehemplo sang Konseho ang mga potentional problems nga nagakatabo karon sa Cagayan De Oro nga may yara man sang Bulk Water Project kag indi luyag nga ini ang matabo man sa Silay.

Ginpahayag sang Bise-Alkalde, nga wala sang politika dire kag ila lamang dire ginalantaw ang welfare sang ila mga pumuluyo.

Nagalaum si Ledesma nga masabat ang ini nga mga pamangkot sa tion nga liwat nga mag presentar ang proponent sang sini nga proyekto.

RONO SANG TATLO KA BARANGAY, GINAHULAT

Ginahulat sang Sangguniang Panlungsod sa syudad sang Silay ang resolution of no objection sang tatlo ka mga Barangay nga posible ma apektuhan sang Negros Occidental Bulk Water Project.

Ginpahayag ni Vice Mayor Ledesma, ini nga mga Barangay ang ginalakipan sang Barangays Hawaiian, Kapitan Ramon, kag Guimbala-on.

Suno kay Ledesma, wala nila mapalambot ang mga concern sang ini ang gintalakay kaangay sa water summit bangud wala sila nakahibalo sa sini nga proyekto.

Ginpahayag sang Bise-alkalde, nga isa pa sa ginakabalak-an amo ang posible pagsaka sang water rate kon ang SiCiWa ang magabakal sang tubig sa sini nga proyekto.

Suno pa kay Ledesma, ginpalambot man sa ila sang SiCiWa nga may nagakaigo sila nga suplay sang tubig kag indi na kinahanglan magkuha sang tubig sa bulk water project.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.