Ginkalipay ni Congressman Greg Gasataya ang padayon nga suporta sang 34 tanan ka mga Punong Barangay sa syudad sang Bacolod angut sa iya liwat nga pag papili bilang kongresista sa palaabuton nga eleksyon.
Suno kay Gasataya, magluwas sa 34 nga nauna, may yara man sang dugang pa nga mga Punong Barangay nga wala maka attend sa iya imbitasyon apang nagpalab-ot man sang ila nga commitment.
Dugang pa ni Gasataya, mayoriya sini nga mga kapitan ang kaalyado sang grupo progreso apang may yara man nga mga supporters nga nagikan sa grupo asenso.
Suno pa sa kongresista, magluwas sa iya na pundar nga relasyon sa amo nga mga opisyales sang barangay, nangin dako man nga konribusyon sa ila ginhimo nga desisyon ang mga proyekto kag programa nga nahatag sang iya talatapan.
Sa pinakaulihe nga Facebook post ni Gasataya, may 38 man ka mga SK Chairpersons sa Bacolod ang nagasuporta man sa iya kandidatura.
Sa record sang Comelec, lima tanan ang nagapapili kongresista sa Bacolod sa 2022 nga piniliay.
