MENU

MANSINARES GIN-PROMOTE

  • at 5:40 pm
Share on facebook
Share on pinterest
Share on twitter
Share on print

Ginpromote bilang pamuno sang Tourism Development Department – Western Visayas si Negros Occidental Provincial Supervising Tourism Operations Officer Christine Mansinares.

Sa interbyew sang Aksyon Radyo, ginpahayag ni Mansinares nga napirmahan na ni Tourism Secretary Bernadette Romulo-Puyat ang iya appointment napetsahan Hunyo 20, 2020 kag magareport sa regional office sa Lunes.

Ini nga departamento amo ang magatutuk sa tourism planning, marketing, promotion , training , meetings, incentives, conventions kag exhibitions.

Suno kay Mansinares, ini ang panibag-o nga hangkat sa iya bilang isa sa mga opisyal sang amo nga departamento.

Si Mansinares ang nag umpisa bilang Provincial Tourism Officer sang Negros Occidental sadtong 2011 sang panahon ni anay gobernador Alfredo Marañon Jr.

Gindesignar bilang officer-in-charge si Jennylind Cordero nga nagserbe man bilang senior tourism operations officer. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MAYOR JAVI GINATAN-AW NGA MAGAPABILIN NGA INDEPENDENT CANDIDATE SA 2025

May 20, 2024

Ginatan-aw ni Victorias City Mayor Javi Benitez nga magapabilin ini bilang independent candidate sa 2025 elections.

Ginpahayag ni Mayor Javi, nagaserbe nga president sang Negros Association of Chief Executive, nangin independent ini halin nga nagsulod ini sa politika sang 2022.

Pero suno sa Alkalde, may mga leanings kag alignments ang iya mga ideolohiya sa pila ka mga national political party pero magapabilin nga independent tubtob nga may mga update.

Si Bacolod Mayor Albee Benitez karon ang naga serbe nga provincial chair sang Partido Demokratiko Pilipino Lakas ng Bayan ang una na nagpahayag nga may ginapaabot nga mass resignation sang mga lokal nga opisyales sa sini nga partido.

Una na nag resign sa PDP ang pila ka opisyales sa syudad sang Victorias.

What’s your Reaction?
+1
0
+1
0
+1
0
+1
0
+1
0
+1
0
+1
0

MGA LGU SA NEGROS OCCIDENTAL GINPANGABAY NGA MAG-USAR SANG SOLAR ROOF

May 20, 2024

Nagpangabay si Governor Eugenio Jose Lacson sa mga Local Government Unit nga mag usar sang solar roof sa mga building sang gobyerno.

Ini kadungan sa pagsaulog sang renewable energy week nga nag umpisa sang Lunes, Mayo 20 kag magalawig tubtob Mayo 24, 2024.

Ang aktibidad ang base sa Executive Order 04-09 nga gin isyu ni Lacson nga naga deklarar sang kada ikatatlo nga semana sang bulan sang Mayo bilang Renewable Energy Week sa Negros Occidental.

Ginpahayag ni Lacson, may madamo nga exhibitors nga nagpasakop sa kahiwatan nga makatanyag sang ila mga produkto para mangin solar na ang mga building sang gobyerno.

Suno sa Gobernador, sa bahin sang kapitolyo probinsyal, target nga mapaidalum sa bidding ang proyekto nga pag usar sang solar energy sang probinsya sa 3rd quarter sang tuig.

Suno kay Lacson, paagi sa pag usar sang renewable energy, makabulig ini para maghagan-hagan ang epekto sang climate change, magluwas nga makakinot pa.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.