Nagapangabay si Bacolod Mayor Bing Leonardia sa mga pamatan-on ilabi na ang mga first-timers, nga siguraduhon nga makaparehistro sa Comelec Bacolod antes magtakop ang deadline nga Setyembre 30.
Sa press release, ginpahayag ni Leonardia, kon naka parehistro ang mga pamatan-on, sila ang mangin kabahin sang election process.
“Eventually, you will have a say in determining the future of Bacolod City and our country as well. That is why you have to register now,” suno sa Alkalde.
Nagpanugyan man si Leonardia sa mga college students nga 18 anyos pasaka nga magparehistro man sa Comelec bangud ang ila bwas damlag ang nakataya sa masunod nga eleksyon.
Si Leonardia ang nanguna sa paghatag sang Tertiary Educational Subsidy sa Bacolod Government Center kahapon, Lunes.
Suno pa sa Alkalde, dapat vote wisely kag magpili sang insakto nga leader para sa syudad kag pungsod.
“This is your chance to be part of shaping your future. You need to vote wisely and choose the right leaders for your city and country. The future belongs to you,” suno pa sa alkalde.
