MENU

NEG OCC MAY BASTANTE NGA SUPLAY SANG ITLOG

  • at 11:32 pm
Share on facebook
Share on pinterest
Share on twitter
Share on print

Ginpasiguro sang Provincial Veterinary Office (PVO) nga supisyente ang suplay sang itlog sa Negros Occidental apang may gamay nga pagtaas sa presyo tungod sa domino effect sang inflation.

Sa interview sa Aksyon Firing Line, ginpahayag ni Acting Provincial Veterinarian Dr. Placeda Lemana nga nagalab ot ang produksyon sa itlog sang 1.2 milyones kada adlaw kag may nagasulod pa nga suplay gikan sa Bantayan, Cebu.

Suno kay Lemana, ang rason sa pagtaas sa presyo sang itlog amo ang pagmahal man sang inputs kaangay sa feeds, supplements kag labor.

Sa pinakaulihe nga monitoring sang PVO, ang presyo sang itlog yara sa P6.25- P7.00 –small; P7.00-P8.00 –medium; P8.50 – P9.00 –large kag P9.25 –P10.00 – extra large. | AksyonAnn Defensor-Lisay

What’s your Reaction?
+1
1
+1
0
+1
0
+1
0
+1
0
+1
0
+1
0

SHOW CAUSE ORDER KAG PREVENTIVE SUSPENSION IGA ISYU SA GINALEGAR NAG RETOKE SANG RESIBO

April 25, 2024

Maga isyu ang Bacolod City Legal Office sang show cause order kag 60 dias nga preventive suspension batuk sa kahera sang City Treasurer’s Office nga assign sa Bacolod Traffic Authority Office (BTAO).

Nag ugat ang reklamo matapos 1,300 pesos ang ginbayad sang traffic violator pero 300 pesos lamang ang nag sulod sa syudad.

Ginpahayag ni City Legal Officer Atty. Romeo Carlos Ting Jr., sa tion nga ma kompleto ang mga dokumento, maga isyu ang ila opisina sang show cause kag preventive suspensyon posible sa masumod nga semana.

Ginpahayag ni Ting, mabug-at ang offense nga pag tamper sang opisyal na resibo kag termination sa trabaho ang penalidad.

Suno kay Ting, nag isyu man si City Treasurer Arlene Memoria sang notice to explain sa ginareklamo nga kahera sa sulod sang 72 oras kag ang iya sabat ang ipaidalum sa evaluation sa pag isyu sang show cause kag preventive suspension.

Ginklaro ni Ting nga isa lamang ang kahera nga gin assign sa BTAO. Paathag pa ni Ting, nga dapat computerized ang balayran kag amount in words sa resibo magluwas kon wala sang internet.

Samtang, magapangayo ang City Legal Office sang kopya sang mga citation tickets nga na isyu sang BTAO kag ini ang usisaon kon bala naga match sa ginabayad sang violator sa City Treasurer’s Office.

Ginpahayag ni City Legal Officer Atty. Romeo Carlos Ting Jr., luyag nila mahibaluan kon bala isolated lamang ang reklamo ukon madamo na ini nga insidente.

Dugang pa ni Ting, ila man usisaon kon balay may iban pa nga imbolbado sa sini nga insidente.

Nagpanugyan si Ting sa mga traffic violators nga usisaon ang gina isyu nga resibo sang syudad.

What’s your Reaction?
+1
0
+1
0
+1
0
+1
0
+1
0
+1
0
+1
0

COMELEC BACOLOD GINPAGWA NA ANG SCHEDULE SANG DUGANG NGA BARANGAY SATELLITE REGISTRATION

April 25, 2024

Ginpagwa na sang Comelec Bacolod ang schedule sang batch 2 sang satellite registration sa mga Barangay. Ginpahayag ni City Election Officer Atty. Kathrina Trinio-Caña, una nila nga padulungann sa Batch 2 ang Barangay Granada sa maabot nga Abril 27.

May registration ang Comelec Bacolod sa Handumanan sa Mayo 4, Barangay Sum-ag sa Mayo 11, Barangay Alangilan sa Mayo 18, Barangay Vista Alegre sa Mayo 25, Barangay Cabug sa Hunyo 1 kag Barangay Estefania sa Hunyo 8.

Suno kay Trinio-Caña, iban sa mga Barangay ang ila na nakadtuan antes ang Barangay kag SK Elections 2023.

Ginpahayag ni Trinio-Caña, nga may mga plano man nga magpatigayon sang satellite registration sa mga buluthuan sa pagbukas sang panibag-o nga school year.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.