Gindeklarar nga patay ang mag-amay sa aksidente sa National Highway, Purok Matawhay, Barangay Binicuil, syudad sang Kabankalan las 5 sang aga, Byernes, Hulyo 23.
Ang napatay isa ka pastor nga ginkilala kay Roberto Sabio kag bata nga 17 anyos isa ka lalaki tanan pumuluyo sa banwa sang Cauayan.
Ang mga pilason ginkilala naman nga sanday Clemente kag Nelia Nueva kag Romeo Olmido.
Suno kay PLt Dennis Melgarejo, Deputy of Police sang Kabankalan PNP, naglikaw ang panel truck sa naga-parking nga motor kag nadulaan sang control rasun nga nagdiretso ini sa kapehan.
Dugang ni Melgarejo, posible madasig ang dalagan sang truck subongman madanlog pa ang dalan kag liko-on ini nga bahin.
Magadul-ong kun tani sang ukay-ukay ang mga biktima. Ang driver nga si Arnold Brillantes nga taga Dumangas, Probisiya sang Ilo-ilo yara na sa kustodiya sang Kabankalan PNP. | Aksyon Bryan Morden