MENU

PITO KA BUILDINGS SANG PROBINSYA PAHAMTANGAN SOLAR PHOTOVOLTAIC SYSTEM

  • at 7:18 pm
Share on facebook
Share on pinterest
Share on twitter
Share on print

Pahamtangan sang solar photovoltaic system ang pito (7) ka mga buildings nga ginapanag-iyahan sang gobyerno probinsiyal.

Ini ang ginpahayag ni Negros Occidental Governor Bong Lacson sa Provincial Stakeholders’ Consultative Power Summit sa Sanctuario de La Salle syudad sang Bacolod subong nga adlaw Mayo 3, 2024.

Suno kay Lacson, may public bidding na nga patigayunon sa masunod nga mga inadlaw para sa mangin supplier.

Ginklaro sang gobernador nga may separado nga investor nga maga-gasto sa amo nga proyekto, kag magabayad lamang ang gobyerno probinsiyal sang bulanan nga konsumo.

Pila sa mga buildings nga ginhingadlan sang gobernador, amo ang Provincial Capitol, Negros First Cyber Center, Negros Residences, kag Food and Terminal Market of Negros Occidental.

Ini ang kabahin sa handum sang probinsiya nga maangkon ang renewable energy bilang primary source sang electric power sa Negros Occidental.

What’s your Reaction?
+1
0
+1
0
+1
0
+1
0
+1
0
+1
0
+1
0

GOV. LACSON MAGASERBE NGA SPEAKER SA WORLD WATER FORUM SA INDONESIA

May 17, 2024

Isa si Negros Occidental Governor Bong Lacson sa mga resource speaker sa ikapulo (10) nga World Water Forum (WWF) sa Bali, Indonesia umpisa Mayo 18 tubtub 25, 2024.

Suno kay Provincial Administrator Atty. Rayfrando Diaz, si Lacson ang gin-imbetar sang United States Agency for International Development (USAID).

Dugang pa ni Diaz, si Lacson ang magapresentar sang inisyatibo sang gobyerno probinsiyal sang Negros Occidental may kaangtanan sa water resources, utilization, planning kag sa P1.2 billion pesos nga Bulk Water Supply Project.

Si Lacson ang magabiyahe padulong sa Indonesia sa Mayo 20 sang hapon, kag magabalik sa Negros Occidental sa Mayo 23. Ang 2024 WWF ang may tema nga “Water for Shared Prosperity”

What’s your Reaction?
+1
0
+1
0
+1
0
+1
0
+1
0
+1
0
+1
0

FAMILIARAN, PABOR SA STATUS QUO SA PUVMP

May 17, 2024

Pabor si Bacolod Vice Mayor El Cid Familiaran sang status quo tubtob nga ma solbar ang mga isyu nga ginapalambot sang mga transport group angut sa PUV Modernization Program.

Nagligad nga Martes, May 14, Si Familiaran ang nagsapol kay anay LTFRB Regional Director Richard Osmeña nga karon yara na sa nasyunal.

Sa amo nga pagsinapol, natabuan nga yara ang Cebu People’s Multipurpose Cooperative kag ang grupo ni Lilian Sembrano nga KNETCO-PISTON-NPTC nga nagpalambot sang ila mga concern sa programa sang gobyerno nasyunal.

Suno kay Familiaran, pabor siya sa status quo tubtob nga ma solbar ang mga isyu kag dapat may yara sang win-win solution ilabi na nga gina istoryahan dire ang palangabuhian sang iban nga tawo.

Para sa Bise-Alkalde, may yara sang ‘wisdom’ ang reklamo sang mga transport group kag dapat magpatunga dire ang gobyerno.

Suno kay Familiaran, lakip sa mga reklamo amo ang ginalegar wala sang assembly kag financial statement ang kooperatiba, ang pagwa sang iban nga brand sang modernized jeep nga mas barato ikomparar sa ginaduso sang Department of Transportation, kag ang pwede man lang maka individual sang sa nga magsulod sa korporasyon ukon kooperatiba.

Sa impormasyon ni Familiaran, may yara sang hearing ang kongreso sa pagpamuno ni Congressman Romeo Acop bilang chair sang Transportation nga komitiba. | VM Familiaran Photo/ FB

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.