Gina konsiderar ang propedad sa Barangay Vista Alegre nga pagatukuran sang Bacolod General Hospital.
Suno kay Congressman Greg Gasataya, ang propedad nga talamnan sang tubo ang may kalaparon nga 3.5 hectares kag malapit sa Barangay Mansilingan.
Dugang pa ni Gasataya, early 2021 sang nag pakigangut sa iya ang donor sang propedad.
Nag pakigangut man si Gasataya sadto kay City Legal Officer Atty. Joselito Bayatan angut sa pangabay ni Mayor Evelio Leonardia nga sa syudad i-donar ang propedad kag gina asikaso na ang deed of donation.
Natalana man nga inspeskyunon sang DOH ang propedad.
Nagalaum ang Kongresista nga matapos ang tanan nga paperworks kag iban pa nga dokumento nga ginapangabay sang DOH.
Una na nga ginapahayag ni Gasataya nga ginapaabot sa una nga quarter sang 2022 maumpisahan na ang pagtukod sang proyekto.
“Isa sa gina consider nga donations 3.5 hectares – although proposal palang ni kay wala pa na finalize tanan tanan. Isa ni siya sa gina follow-up sa akon sang DOH ang duta nga pagabutangan,” palayag ni Gasataya.
