‘REGISTER ANYWHERE PROGRAM’ SANG COMELEC BACOLOD TEMPORARYO NGA GIN SUSPEND
Posted by:
News Desk
|
April 30, 2024
at
5:53 pm
Share on facebook
Share on pinterest
Share on twitter
Share on print
Temporaryo nga gin suspend sang Comelec Bacolod ang Register Anywhere Program (RAP) sa Government Service Express sa SM City Bacolod umpisa Abril 30, 2024.
Ginpahayag ni City Election Officer Atty. Kathrina Trinio-Cana, may technical difficulty nga na eksperiensyahan sa RAP kag ila na ini gindangup sa Comelec national.
Natalana nga mag pagwa sang advisory ang Comelec Bacolod sa tion nga magbalik na ang RAP.
Tuyo sang RAP nga ma rehistro ang mga indibidwal nga halin sa iban nga LGU nga indi na kinahanglan magkadto sa ila lugar.
Sa record sang Comelec Bacolod, may 36 na ka tawo ang nag avail sang sini nga programa.
Samtang, bukas ang Comelec Bacolod sa Labor Day, Mayo 1 para sa pagpadayon sang registration sa ila opisina sa kilid sang BAYS Center.
Ginpahayag ni Governor Eugenio Jose Lacson nga handa ang probinsya nga liwat magpatigayon sang presentation sa mga nagapamatok sa 1.2 billion pesos nga Negros Occidental Bulk Water Supply Project.
Sa interview sang media, Lunes, ginpahayag ni Lacson, nga napaidalum sa husto nga proseso ang ini nga proyekto kag gin imbitar man ang tanan.
Sa anum ka LGUs nga sakop ang Imbang kag Malogo River nga pagakuhaan sang surface water sang proyekto, ang Silay LGU na lamang ang wala makahatag sang resolution of no objection.
Suno sa Gobernador, handa ang probinsya nga mag presentar sang sini nga proyekto sa Silay ilabi na sa mga natungdan nga Barangay.
Ginadula naman sang gobernardo ang posibilidad nga magpasaka sang kaso sa mga nagapamatok.
Liwat nga ginpahayag ni Lacson nga tinutuyo sang proyekto nga mahatagan sang safe potable water ang mga pumuluyo.
Si Lacson ang magabyahe sa Bali, Indonesia subong nga semana nga isa sa mga guest speakers sa 10th World Water Forum.
Ginpahayag ni Lacson, iya ipabalo sa forum ang nabalay nga water security plan sang probinsya kag ang ginaduso nga bulk water project.
Samtang, ginasuhestyon ni Silay Mayor Joedith Gallego ang pagpatigayon sang public ukon Barangay consultation sa ila nga lugar sa ginaduso nga Bulk Water Supply Project.
Ginpahayag ni Gallego, iya ginatugyan sa Sangguniang Panlungsod ang pagsunod sang nagakaigo nga proseso lakip na ang public consultation kag pagtuon sa sini nga proyekto.
Suno sa alkalde, wala man sang opisyal nga sulat nga ginpadangat sa iya sa mga nagapamatok pero may mga grupo sang mga planters kag mangunguma ang nagapabutyag sang oposisyon sa proyekto.
Ginpahayag ni Gallego, nga wala karon sang problema sa suplay sang tubig ang Silay paagi man sa ila water utility nga Silay City Water District.
Sa nahibaluan, ang Imbang River kag Malogo River ang duha ka mga surface water nga pagakuhaan sang tubig sa sini nga proyekto. Ang duha ka mga suba ang nagalabay sa Victorias, Talisay, Silay kag E.B Magalona.
Nalakip sa plano ang pagtukod sang water treatment facility sa Barangay Guimbalaon, Silay kag sa Malogo sa E.B Magalona.
Una na nga ginpahayag ni Governor Lacson nga may nagakaigo nga pagtuon para kwaan sang tubig ang duha ka mga kasubaan.
Gin-relieve ang duha ka mga pulis sang Bacolod City Police Office (BCPO) matapos GINALEGAR malakip sa operasyon sang iligal nga droga.
Suno kay BCPO Spokesperson Lt.Col Ronnie Brillo, duha ka bulan na ang nakaligad sang na-mensyonar ang ngalan sang duha ka pulis nga GINALEGAR imbolbado sa amu nga bulohaton.
Wala na man ginhingadlan ni Brillo ang duha ka pulis apang ang mga ini ang assign sa Police Station 8 kag Police Station 9.
Ang duha ka pulis ang gin-assign na sa karun sa General Services Office sang BCPO.
Suno pa kay Brillo, gina-check pa nila kun may dugang pa nga kapulisan nga imbolbado sa amo nga buluhaton.
